VOV.K’Ho- Drim òr (07/05), Hìu bơsram Đại họk Tây Nguyên pơgồp bal mờ Ală mpồl Anih ơhò ơm - Dà lềng càr Dăk Lăk bơyai lơh ngai chờ lơh broă, yal tơngĭt gĭt nđờ rbồ tŭ tơngai niam lơh broă ai cau bơsram dờng tàm tiah tàm gùl lơgar mờ Tây Nguyên in, is ồn tàm gah broă logistics.

VOV.K'Ho- Tàm tŭ trồ prang dờng tàm Tây Nguyên, dơ̆ pơrlòng khoàng tơrlung kờñ geh dà ngai sơlơ uă ir mờ rềs àr. Bơh tàm ală bă suơn kơphe pa tam tàm càr Lâm Đồng tus mờ ală bă sre lơh kòi tàm càr Dăk Lăk, làng bol sùm khoàng tơrlung jrô rơlao, mơya kung gam kong gơtìp mờ bơta di gơlan “tơrlung gời”, roh priă tă. Bơta mùl màl do ờ mìng ai tơngŏ broă gơrềng ngai sơlơ uă tàm dà căt gam ờ geh uă, mờ gam yal lài bè ală bơta ờ niam tiah kis, ù tiah dê.

VOV.K’Ho- Tàm dơ̆ lòt còp kâp Dà lơgar bơh Tổng Ƀí thư, Củ tịc lơgar ồng Tô Lâm dê tàm lơgar Ấn Độ, ồng Nguyễn Duy Ngọc, Kwang geh jơng Ƀộ Cíñ trị, Kwang đơng lam Đảng Dà lơgar, Kwang atbồ Mpồl rơndap broă dà lơgar neh lòt còp mờ lơh broă mờ anih lơh broă atbồ mpồl yal mat sồ dà lơgar Aadhaar bơh lơgar Ấn Độ dê.

VOV.K'Ho- Tềng đăp mờ bơta uă rơndăp broă lơh hìu bơsram ơm sa bic tơn bàr kấp tàm tiah nhàr lơgar gơtìp lơyài tàm broă lơh, Anih duh broă Làng bol càr Gia Lai ring bal gùng dà broă lơh hòi ală mpồl ling dong kờl cau lơh nàng lơh mhar broă lơh.

VOV.K'Ho- Drim òr (06/05), Mpồl lơh kơnòl broă sùm Tỉñ ủy càr Dăk Lăk pơrjum pơgồp jơnau đơs bè broă lơh jăt jơnau kờñ gơguh lơh sa bàr sồ tơngai bơh nam 2026 tus 2030, tơrgùm lơh gơs jơnau neh geh ai gơguh lơh sa, bơsong tiah gơkòl bơcri priă dà lơgar, sră nggal mờ tơm ntrờn ù tiah.

VOV.K'Ho- Ngai òr (06/05), tàm càr lơgar New Delhi, tơnơ̆ Dơ̆ wă kấp Dà lơgar geh bơyai lơh yŭ rơyùm jăt broă lơh dờng ngan ai kwang đơng lam dà lơgar in, Tổng Ƀí thư, Củ tịc lơgar ồng Tô Lâm cri bơyai mờ Thủ tướng lơgar Ấn Độ ồng Narendra Modi.

VOV.K’Ho- Tàm Hìu lơh broă Cíñ phủ, Phó Thủ tướng Cíñ phủ ồng Hồ Quốc Dũng đơng lam dơ̆ pơrjum mờ ală Ƀộ, gah broă lơh dà lơgar, càr, ƀòn dờng bè broă lơh jat Jơnau sồr sồ 5 bơh Thủ tướng Cíñ phủ dê bè broă mhar tơrgùm priă jền, tơnguh mhar tơngai hơ pơrgon đo was, lơh sră wac rùp ù tiah; lơh sră cih mat ù tiah; lơh sră nggal ù tiah mờ bơt bơtàu anih yal tơnggit jơnau dà lơgar bè ù tiah.

VOV.K’Ho- Ngai òr (06/05), sơnah ƀòn Ea Kao, càr Dăk Lăk lam lơh Dơ̆ hòi jà “Broă ƀòn dờng, broă ƀòn lơgar, ù kwơ kung ai is sơl” mờ srơh “Tềm pềr mut mơ̆ rơmit” nàng kờñ lơh gơlik bơta ring bal tàm làng bol, tă bơsong bơta gơ kòl ai ù lơh rơndap broă, hòi jà tă pơgồp priă jền bơtàu tơnguh phan bơna.

VOV.K’Ho- Mho òr (05/05), tàm Hìu lơh broă Quôk hội, Anih duh broă Lơh kơnòl broă sùm Quôk hội bơyai lơh Pơrjum Tơn jơh broă lơh tàm pơrlòng pà khà jờng tơngai lơh broă bơh nam 2021 tus nam 2026, gùng dà, kơnòl broă tơngai lơh broă bơh nam 2026 tus nam 2031.

VOV.K'Ho- Ngai òr (05/05), lòt sền tàm mùl màl ală rơndăp broă lơh kwơ màng tàm Tiah lơh sa đah Jum Phú Yên, Ƀí thư Tỉñ ủy càr Dăk lăk ồng Lương Nguyễn Minh Triết mờ Củ tịc Anih duh broă Làng bol ồng Đỗ Hữu Huy sồr lik lơh uă broă “60 ngai mang”, lơh ngan lơh gơs di pơgăp 95% tơm ntrờn ù tiah lơh sa suơn sre, gàr tơl bơta niam broă sơn đờm mŭt lơh rơndăp broă tàm bồ nhai 9.