Tàm dơ̆ wă, Thủ tướng ưn ngài WEF mờ ală lơgar, ală mpồl lơh broă bal neh lòt bal mờ Việt Nam, pơgồp bơnah bơt bơtàu anih cribơyai gơ gơs anih tìp mat tơm boh bơr, tàm tơrbŏ bal đah Chính phủ, mpồl lơh sa kă bro mờ mpồl bơtiàn cau jak chài. Thủ tướng đơs, ală broă cribơyai broă lơh, tam pà bal mờng chài mờ yal tơnggit măi mok neh pờ gơs uă tŭ niam lơh broă bal, jòi bơta gơn kơnờm gơguh tai pa.

Ồng Stephan Mergenthaler đơs niam broă rơndap lơh bơtàu tơnguh jŏ jòng Việt Nam dê, is ồn là jơnau pơlam gùng bơtàu tơnguh jat tàm jak chài, măi mok, tam gơl pa, bơceh lơh mờ lơh sa làng bol dê lơh is; mờ kung đơs nền, WEF kơp kờñ sơlơ tơnguh tai lơh broă bal mờ Việt Nam. Wèt tus Nam APEC 2027 bơh Việt Nam bơyai lơh, WEF crăp rơcang pơgồp bal tàm kâp dờng, tàm tơrbŏ bal mpồl lơh sa kă bro mờ ală lơgar, ală mpồl lơh broă bal ală lơgar. Thủ tướng sồr WEF dong kờl tàm jàu măi mok, tam pà bal bồ tơngoh git wă, gơ hòi gơ jà bơcri priă mờ gờñ bơt bơtàu tơnume lơh broă bal kuơmàng ai tơngai pơn jat tai in.