Đơs tàm dơ̆ tìp mat, Tổng Bí thư, Chủ tịch lơgar đơs nền, Đảng, Dà lơgar mờ Làng bol sùm cih kah dà kơl hề dờng màng bơh ală cau neh tă pơgồp dà kơl hề, phi să tài Dà lơgar tờm. Nùs nhơm ưn ngài uă ngan geh tơngŏ mờ ală broă lơh ngan ngồn, sền gròi pràn kơl dang să jan, rài kis mờ nùs nhơm ai cau geh màng mờ dà lơgar in.

Mpồl ling dờng Ùr măi rơndeh Trường Sơn geh sơnđờm là bơh Trung đội ùr măi rơndeh tơnggơs ngai 18/12/1968. Tàm rài tam lơh tam dră mờ bòl sò tơm lơgar Mỹ, ală ùr ling neh sơr lèt gan uă gùng lòt sơbơng roh, jun pơndiang phan bơna drơng tàm tiah tam lơh mờ jun cau ling sồt să rê tàm tiah sơm sồt. Nam 2014, mpồl ling geh jàu pà mat jờng rơ Cau khin cha jak chài Mpồl ling phàu crong làng bol. Tổng Bí thư, Chủ tịch lơgar sồr Bộ Ling klàng pơgồp bal mờ ală tiah kờp sền, bơsong tơl làm broă dong kờl, broă lơh ai ală cau tơl ală bơta in; sền gròi kham sơm kòp, dong kờl ală cau geh rài kis kal ke mờ lơh geh bơta gàr niam dơ̆ tìp mat ờs mờng pah nam. Mơkung sồr kấp ủy, gơnoar atbồ mờ ală mpồl cau bal pơn jat tai lòt bal, sền gròi cau geh màng mờ dà lơgar mờ kơnòl broă mờ bơta jơh nùs jơh tồr, nàng cồng nha bơtàu tơnguh Dà lơgar dê geh tơngŏ tàm rài kis bơh ală cau neh phi să tài Dà lơgar tờm dê.