Ală cau ala măt đơs niam jơnau rơcang cih Adăt Lơh glài kŭp màng (tam gơl) dờng mờ nền nòn ngan gơwèt mờ bồ tơngoh lơh adăt pa dê, gàr niam broă ndrờm bal đah lơh glài nền nòn ală cau tìs ngòt rơngơ̆t pa mờ broă pờ ơnàng broă toh glài, dong kờl kòn bơnus bơh Dà lơgar dê.

Jăt mờ hơ̆, cau tìs rơcang tơm bơtơl, bơsong hoàc huơr ndrờm bal geh sền sơwì khà toh glài uă rơlao nàng pơlam nùs nhơm geh kơnòl. Gơrềng tus mờ jơnau geh ai bè lơh glài tus chơ̆t, ală cau ala măt ring bal sơrbì lơh glài tus chơ̆t tàm 4 bơta tìs sơgràm lơngăp lơngai dà lơgar là tìs tam lơh, tìs tam dră mờ kòn bơnus, tìs Cau tìs tam lơh mờ tìs sò tơm iơh bơsăk nàng tam dră mờ gơnoar atbồ làng bol. Ală cau ala măt sồr bañ hềt sơrbì broă lơh tìs tus chơ̆t gơwèt mờ tìs blơi tăc ma túy tàm khà dờng ha là cau geh nùs nhơm lơh tờm. Ală jơnau đơs tàm pơrjum kung ring bal mờ broă jơnau rơcang cih neh lơh tơrgùm wơl ală tìs tàm internet jăt mpồl tìs, bơh rơcang, bơyai lơh tus mờ broă lơh, tài kơrian bơh tàm broă rơcang là rơ̆p kơrian geh hoàc huơr làng bol dê lài mờ tŭ priă mùl màl gơtìp jun.