Ồng Lê Minh Hưng, Thủ tướng Chính phủ đơs sùm bơta kwơ dờng màng ngan bơh broă lơh dê tŭ geh lơh mơ tơn tơnơ̆ jơnau lơh nền tơngguh broă gĭt gơ̆p 2 gah. Thủ tướng pà gĭt, Ba Lan tŭ do là cau lơh broă bal kă bro phan dờng ngan bơh Việt Nam dê tàm Tiah tàm gùl đah măt tơngai lik câu Âu. Mờ bơta pràn măy mŏk, lơh sơnơm sơnơm tơm ba, sền gàr dà lơgar, năng lượng lơgar Ba Lan dê pơgồp bal mờ mpồl 18 jơnau hơ bal kă bro phan khăt gơboh (FTA) mờ drà kă bro duh hồl lơgar Việt Nam dê, jơnau kờñ tơngguh priă lơh geh bơh 2 lơgar dê gơguh tus 6 tơmàn dolar Mỹ là gơtùi lơh geh lơm. Pơn jờng mpồl lơh sa kă bro bàr lơgar lơh broă bal jŏ tơngai, tàm jàu măy mŏk tơlir, ai tơl bơta ai mpồl lơh sa kă bro lơgar Việt Nam in mŭt jrô rlau tàm ală anih lơh gơlik phan gùt plai ù, Thủ tướng đơs nền Chính phủ Việt Nam sùm lòt bal, ai tơl bơta ƀươn ngan rlau jơh nàng ală cau bơcri priă lơgar Ba Lan in lơh sa kơ̆ kơl jăp, kơnhăp jŏ jŏ jòng.

Bè đah he, ồng Donald Tusk, Thủ tướng lơgar Kộng hoà Ba Lan đơs niam ngan anih ơm bơh Việt Nam dê – rài lơh sa duh hồl khà dùl câu Á. Thủ tướng lơgar Ba Lan sồr geh ală broă lơh lơh broă bal jŏ jòng bè lơh sa mờ măy mŏk lơh sơnơm mờ phan sơnơm tơm ba, điện tử, kơlôi sơnơng bal bè vệ tiñ gròi sền plai ù mblàng sền jơnau tơnggĭt drơng lơh sa tơlir. Ồng pà gĭt, Ba Lan crăp rơcăng là mpồng pờ ơnàng nàng mpồl lơh sa kă bro mờ phan kă bro lơgar Việt Nam dê tăc tàm jơh ală drà kă bro Mpồl Tam klăc câu Âu (EU) dê.