Đơs pơn dut dar pơrjum, ồng Tô Lâm, Tổng Bí thư, Chủ tịch lơgar đơs, tơngai lài, broă lơh lơh broă mờ lơgar ndai mờ mut gơ rờm bal ală lơgar lơh geh uă cồng nha niam, geh bơta tam gơl bè bơta niam tă pơgồp jơnau đơs, pơgồp bal mờ lam lơh jat, pơgồp bơnah gàr kơ̆ tiah kis ring lơngai, kơnhăp kơ̆, pờ ơnàng lơh broă bal mờ lơh gơlik tai bơta pràn nàng bơtàu tơnguh dà lơgar.

Lơh broă mờ lơgar ndai tàm ală gah, ală broă geh lam lơh ndrờm bal, broă lơh jat sền ală jơnau hơ pơrgon, jơnau ring bal rơhời tam gơl bơh kờp sền tơngai hơ pơrgon gơ gơs sền swì cồng nha lơh geh, lơh loh kơnòl. Ồng Tô Lâm, Tổng Bí thư, Chủ tịch lơgar sồr ală Mpồl lơh broă làm gah pơn jat tai lơh niam gơnoar broă tă pơgồp jơnau đơs, đơng lam pơgồp bal nàng kờñ pơn jat tai tơnguh bơta niam, bơta kơnhăp kơ̆ bơh ală cồng nha neh lơh geh dê. Ală anih lơh broă geh gơ rềng kờñ pal tơrgùm lam lơh ală kơnòl broă tờm tàm ală nhai lồi nam, tơnguh cồng nha lơh broă mờ lơgar ndai, tam gơl ală jơnau hơ pơrgon gơ gơs rơndap broă lơh, phan bơna mờ drà mùl màl drơng ngan ngồn rài kis làng bol dê in; rơcang niam ai kơnòl broă pơn jat tai in, tàm hơ̆ geh APEC 2027.