Jat jơnau mò Chuyên dê yal, mè mò dê là mò Dương Thị Chín, dùl anih lơh broă kăc màng neh ròng mpồn kwang bàng, cau ling, neh yal wơl broă làng gĭt gŏ dùl bơnah bơtô ƀồc cau ling chơ̆t màng chơ̆t phi să nam 1968. Nàng cih kah tiah, mò Chín neh sơntơ̆p tơrñang bê tông, cih sèng akhar gơrềng tus tiah rơndeh par bol sò tơm cuh cau ling. Bulah tơrñang neh ờ hoan loh jat tŭ tơngai, mò Chuyên kung gam kah jơnau mè mò dê nting tơngkah mờ yal ai gơnoar atbồ ƀòn lơgar in.

Dờp jơnau yal, Mpồl K51, Cơldŭ lơh broă Chính trị, Gah đơng lam ling klàng càr Dăk Lăk pơgồp bal mờ ală mpồl cau lòt sền, rồ tờ mờ gŏ ƀồc ntìng cau ling chơ̆t màng mờ phan uă phan lời wơl. Mẫu sinh phẩm neh geh ai nàng sền gĭt ADN, drơng broă đal gĭt mat cau ling chơ̆t màng. Broă lơh bơh mò Chuyên dê pơgồp bơnah lơh gơrề uă bơta kwơ bơh broă lòt jòi, rồ tơrgùm ƀồc ntìng cau ling chơ̆t màng, lơh jat nùs nhơm “Hùc dà kah tô dà”.