Tàm dar pơrjum ƀùi drim, Ƀộ trưởng Ƀộ Kwang àng dờp gơnoar jàu bơh Thủ tướng Chính phủ dê neh yal sră yal bè 5 rơndap lơh adat, geh: Adat lơngăp lơngai jơnau yal tơnggit; Adat Sền gàr broă lơh kuơmàng gơ rềng tus lơngăp lơngai dà lơgar; Adat yal mat mờ dờp geh ngan điện tử; Adat tam gơl, bơtơl bàr pe bơta bơh ală adat bè atbồ, ngui phan tam lơh, phan bơrtoh, phan dong kờl, rơcang lài kơryan crùh ồs sa, dong kờl rềs àr; Adat Lơh glài broă lơh tìs sră pơ àr gơnoar atbồ (tam gơl).

Quốc hội kung iat jơnau yal sền swì ală rơndap lơh adat jat broă lơh dơ̆ pơrjum. Jat hơ̆, ală cau ala mat cribơyai tàm hìu pơrjum bè rơndap lơh Adat tam gơl, bơtơl bàr pe bơta bơh Adat Was kờp; mờ kung cribơyai tàm jơnum bè bàr pe rơndap lơh adat geh gơ rềng.