Broă lơh geh bơyai lơh tơn tàm Kwang àng càr, pơgồp bal mờ broă pờ tơlik tàm 124 sàh, sơnah ƀòn, tiah is ồn nàng tơnguh uă jơnau git wă đal git, rơcang kơrian lài mờ bơsong ală bơta di gơlan gơtìp sơgràm kơnòm dềt tàm internet.

Tàm dơ̆ bơsram tàp, ală cau bơsram geh bơto sồr đal git ală broă pơrlồm, pơhìn, sơgràm gơnoar krơi is, bơchồt mờ jòi tơl bơta kờñ lơh aniai nùs nhơm kơnòm bơsram tàm internet. Kwơ màng, broă lơh geh sền kwơ jơnau yal lài broă sơgràm bơta ngăc ngar kòn bơnus lơh gơs nàng lơh bè rùp rài ngan, săp đơs mờ măt sơnđan nàng sơgràm kơnòm dềt. Kwang àng càr Lâm Đồng sồr kwang bàng, cau pơgru ngui jơnau git wă tàm mùl màl, di tŭ gŏ, dong kờl kơnòm bơsram tŭ gơtìp ngòt rơngơ̆t. Tơnơ̆ mờ tŭ bơsram tàp, ală sàh, sơnah ƀòn, tiah is ồn, hìu bơsram pơn jăt tai yal jơnau git wă, pơgồp bal mờ mpồl kwang àng bơ̆t bơtàu mpồl sền gàr kơnòm dềt tàm internet.