Tàm dơ̆ wă, Chủ tịch Quốc hội đơs nền, lơh broă mờ lơgar ndai làng bol geh gơnoar broă kuơmàng ngan tàm broă gàr kơ̆ nùs nhơm git gơp lơh bơyô, sơlơ tơnguh tai lơh broă bal đah 2 lơgar. Việt Nam sùm sền Hàn Quốc là lơgar lơh broă bal sồ dùl tàm ală gah kă bro phan, lơh sa, bơcri priă, lòt nhơl, jak chài - măi mok mờ bơto bơtê mờ bơsram.

Tàm 9 nhai nam 2026, kờp jơh priă bơcri tơn tàm lơgar ndai lơgar Hàn Quốc dê tàm Việt Nam geh 103 tơmàn dolar Mỹ; priă lơh geh bơh kă bro phan đah 2 gah pah nam geh bơh 80 tus 90 tơmàn dolar Mỹ. Khà nac Hàn Quốc tus Việt Nam geh rlau 3 tơlak dơ̆ cau. Chủ tịch Quốc hội đơs niam ală tă pơgồp bơh Mpồl git gơp lơh bơyô Hàn Quốc - Việt Nam dê tàm broă tàm tơrbŏ bal mpồl bơtiàn cau Việt Nam tàm Hàn Quốc, dong kờl kòn bơnus mờ lam lơh tìp mat lơh kwèng niam chài, bơto bơsram. Bàr gah ring bal pơn jat tai sơlơ tơnguh lơh broă bal, hòi jà kă bro phan, bơcri priă, ngan là tàm ală gah jak chài - măi mok, tam gơl pa bơceh lơh, bán dẫn mờ bồ tơngoh jak kòn bơnus lơh gơs; mờ kung lơh pràn tìp mat lơh kwèng làng bol, pơgồp bơnah lơh niam rlau tai bơta git gơp lơh broă bal jŏ jòng tơl làm đah Việt Nam - Hàn Quốc.