Jat jơnau yal wơl, tus tŭ do, kờp jơh rề dia 6 sơnah ƀòn dê geh mờr 3 rbô 900 tơmàn đong. Tàm hơ̆, ală sơnah ƀòn Tân Lập, Tân An mờ Ea Kao neh sơrlèt rlau khà kờp dŭ rề dia gùt nam. Bulah bè hơ̆, tơngai hơ pơrgon ai priă bơcri dà lơgar gam lơyah ngan. Mờ broă rơndap lơh 570 tơmàn đong, ală sơnah ƀòn rơp pa ai geh 42 tơmàn đong, geh 7,42%. Đơng lam ală ƀòn lơgar neh yal mờr 70 tơngume gơ kòl kờñ pal geh tă bơsong, tàm hơ̆ geh kal ke bè bă ù rơndap ƀòn ơm kis pa mờ ai ù lơh rơndap broă lơh. Chủ tịch Anih duh broă Làng bol càr Dăk Lăk ồng Đỗ Hữu Huy sồr ală sơnah ƀòn bơt bơtàu broă rơndap lơh mùl màl jat tơl rơndap broă lơh, git loh kơnòl cau nă să is, tơngai lơh gơs mờ pơgồp bal cồng nha lam lơh mờ sền swì kơnòl broă.