Đơs tàm dơ̆ bơyai lơh, ồng Tô Lâm- Tổng Bí thư, Chủ tịch lơgar sồr hìu bơsram pơn jat tai tam gơl pa, tơnguh uă cồng nha bơto bơtê, bơtàu tơnguh cau lơh broă jak mờ tề lam cau jak chài ai dà lơgar in. Mơkung lơh pràn kơlôi sơnơng jak chài, yal jơnau yal drơng broă lơh sir kơrnoat boh lam, tam gơl pa broă lơh gơguh tai mờ tơnguh uă cồng nha ngui ală bơta pràn dà lơgar. Hìu bơsram pal sơlơ tơnguh tai bơto bơtê ală gah, ngui măi mok, tam gơl sồ, pơgồp bal mờ kơlôi sơnơng mờ bơta geh ngan mờ jơnau kờñ bơtàu tơnguh bơh ƀòn lơgar, mpồl lơh sa kă bro dê.

Tổng Bí thư, Chủ tịch lơgar đơs sùm, kờñ kơlôi sơnơng geh bơta jrô, pal bơcri priă lơh kơ̆ ngan ai mpồl cau in, ală jơnau yal tơngĭt mờ ală mpồl kơlôi sơnơng pràn. Sền dờng màng kơlôi sơnơng kwơ màng, pơgồp bal mờ bơto bơtê tơnơ̆ đại họk; sơlơ tơnguh tai kơlôi sơnơng ală gah mờ lơh broă bal mờ ală anih lơh broă jak chài geh bơta pràn jak. Pơn jờng tàm pơn dang jat jơnau pal jat, sền dờng màng bơta dòn song mờ lơh geh ală bơta nàng cau jak chài in kơ̆ nùs ting jat ală broă kal ke. Lòt gan 50 nam bơt bơtàu mờ bơtàu tơnguh, tus tŭ do, Hìu bơsram Đại họk Kinh tế ƀòn dờng Hồ Chí Minh geh bơta uă mờr 40 rơbô nă cau bơsram dờng, cau bơsram mờ cau bơsram kơlôi sơnơng.