VOV.K'Ho- Ngai òr (05/05), tàm dơ̆ tus còp kấp Dà lơgar tus lơgar Ấn Độ, Tổng Ƀí thư, Củ tịc lơgar ồng Tô Lâm neh wă Kwang dong broă Sền gàr lơngăp lơngai Dà lơgar Ấn Độ ồng Ajit Doval.

VOV.K’Ho- Ờ tơl ù bơt mờ phan bồr tơnring gam gơ gơs là bơta gơ kòl lơh gơ rềng tus tơngai hơ pơrgon lam lơh uă rơndap broă lơh tàm càr Khánh Hòa. Ờ mìng gơ rềng tus broă ai priă bơcri dà lơgar, bơta do gam lơh gơ rềng tus broă lam lơh ală rơndap broă lơh bơdìh kes priă mờ bơta pràn gơ hòi gơ jà bơcri priă. Càr Khánh Hòa gam lam lơh uă broă lơh nàng kờñ rơcang lài phan bơt bơtàu, gàr niam tŭ tơngai hơ pơrgon lam lơh ală broă lơh phan bơna.

VOV.K'Ho- Ƀí thư Tỉñ ủy càr Dăk Lăk ồng Lương Nguyễn Minh Triết pa lòt sền mùl màl ală broă lơh, rơndăp broă lơh lơyài mờ tơngai geh ai tàm sơnah ƀòn Bình Kiến, bơh tŭ hơ̆ sồr sền wơl, bơsong jơh ală gơkòl nàng pleh mờ hoàc huơr priă jền bal mờ lơh gơrềng ờ niam tus mờ gơguh lơh sa.

VOV.K'Ho- Đại tướng Nguyễn Trọng Nghĩa, Kwang geh jơng tàm Ƀộ Cíñ trị, Củ ñiệm Tổng kụk Cíñ trị Ling klàng làng bol Việt Nam đơs nền, broă jào rùp Wa Hồ geh bơta kwơ cíñ trị, nùs nhơm bal mờ ơnà jăk uă ngan, bơtê bơto kwang bàng, đảng viên pal bơsram sùm mờ lơh jăt ơnàng jăk Wa Hồ dê.

VOV.K’Ho- Drim òr (05/05), tàm Hìu lơh broă Cíñ phủ, Phó Thủ tướng ồng Lê Tiến Châu đơng lam dơ̆ pơrjum bè iăt kơno, mblàng lơh loh jơnau đơs kwang bàng Cíñ phu dê gơ wèt mờ sră nggal broă lơh bơt bơtàu Adat Yal tơngĭt, bơto bơtê adat boh lam (tam gơl).

VOV.K'Ho- Mpồl Lơh sa - Sền gàr dà lơgar 72 (Ling Mpồl 15) neh di tŭ lam lơh pà dà ntrờn làm bă tiah ai làng bol in tàm sàh Ia Nan sơr lèt gan kal ke tềng đăp mat.

VOV.K’Ho- Dờp jơnau jà bơh Thủ tướng Ấn Độ ồng Narendra Modi dê, drim do (05/05), Tổng Ƀí thư, Củ tịc lơgar ồng Tô Lâm bal mờ Mpồl cau ala mat kâp dờng lơgar he lòt gùng còp kâp dà lơgar tus lơgar Kộng hòa Ấn Độ.

VOV.K’Ho- Ngai òr (04/05), Mpồl lơh broă Dà lơgar bơh Đơng lam Đảng dà lơgar, Kwang atbồ Anih cah rơña làng bol dờng ngan rlau jơh dà lơgar ồng Nguyễn Văn Quảng lơh kwang lam bồ mpồl neh lơh broă mờ càr Lâm Đồng bè lam lơh Ală jơnau lơh nền Tiah lơh sa kềng gah dà lềng mờ ală rơndap broă lơh gơn kơnờm.

VOV.K’Ho- Mho òr (04/05), tàm Hìu lơh broă Cíñ phủ, Thủ tướng Cíñ phủ ồng Lê Minh Hưng đơng lam dar pơrjum Cíñ phủ ờs mờng nhai 4 nam 2026, sền sơ wì broă lơh sa - mpồl bơtiàn mờ ai tơlik kơnòl broă tàm tơngai tus.

VOV.K’Ho- Mho òr (04/05), Anih duh broă Làng bol càr Dăk Lăk lam lơh broă lơh “30 ngai mang lơh uă ngan ai mat ù “ rơndăp broă lơh gùng lòt jơng jat kềng gah dà lềng nàng kờñ tă bơsong bơta gơ kòl, chồl pràn tŭ tơngai mut lơh mờ ai priă bơcri dà lơgar.