VOV.K’Ho- Mho ngai 25/6, tàm sơnah ƀòn Tuy Hoà, Mpồl hòi jà Kă bro phan mờ Bơcri priă càr Dăk Lăk ngan ngồn tơlik mat, lơh tềl broă lơh bơtàu tơnguh kwơ màng tàm broă tàm tơrbŏ bal ală mpồl lơh sa kă bro, cau bơcri priă mờ ală cau lơh broă bal tàm lơgar mờ bơdìh lơgar, pơgồp bơnah sơlơ tơnguh tai broă lơh kă bro phan, bơcri priă mờ bơtàu tơnguh lơh sa kơnhăp kơ̆ bơh càr dê.

VOV.K'Ho- Tàm 2 ngai bơh ngai 26 tus ngai 27 nhai 6, tàm sơnah ƀòn Tuy Hoà, càr Dăk Lăk bơyai lơh pơrjum Yal rơndăp ù tiah mờ Hòi jà bơcri priă nam 2026. Mờ git nđờ jơ̆t rơndăp broă geh jào jơnau lơh nền tàm pơrjum nàng bơcri priă mờ kĭ jơnau hơ lơh broă bal mờ kờp jơh khà priă tus git nđờ rơhiang tơmàn đong, do là dơ̆ hòi jà bơcri priă dờng ngan bơh càr Dăk Lăk dê bơh tŭ tơmŭt bal càr, lơh gơs bơta pràn bơtàu tơnguh pa.

VOV.K'Ho- Tàm broă bơyai lơh Pơrjum yal rơndăp broă hòi jà bơcri priă càr Dăk Lăk nam 2026, ngai òr (25/06), uă rơndăp broă lơh sa mờ măi mok, lơh gơs phan geh lơh bơh broă lơh sa suơn sre mờ năng lượng lơh geh wơl neh dơ̆ lĕ sơn đờm mŭt lơh.

VOV.K'Ho- Drim òr (25/06), tàm Hà Nội, ồng Tô Lâm, Tổng Bí thư, Chủ tịch lơgar tus bal mờ đơs đơng lam tàm Pơrjum dờng Cau ala mat gùt lơgar Đoàn Ơruh pơnu Cộng sản Hồ Chí Minh dơ̆ 13, tơngai lơh broă bơh nam 2026-2031.

VOV.K’Ho- 15 nam lài do, ngai 20 nhai 6 nam 2011, Lữ đoàn Ơhò ñơ̆p mur 189 Ling dà lềng geh tơnggơs, lơh tềl broă lơh bơtàu tơnguh pa bơh Ling dà lềng Làng bol Việt Nam dê tàm gùng lòt sền gròi tàm dơlam dà lềng jrô, sền gàr gơnoar tờm, bồt bơlào dờng màng bơh Dà lơgar tờm dê. 15 nam hơ̆ là gùng lòt bơh ală cau is ồn, tàm dùl mpồl ling is ồn nàng lơh tờm ơhò ñơ̆p mur, sền gàr kơ̆ kơnhăp gơnoar tờm dà lềng, bồt bơlào bơh tàm dơlam dềng lềng dờng dê.

VOV.K’Ho- Mho ngai 24/6, tàm Hà Nội, ồng Tô Lâm- Tổng Bí thư, Chủ tịch lơgar tus bal mờ đơng lam Pơrjum Anih duh broă Đơng lam Đảng Kwang àng Dà lơgar.

VOV.K’Ho- Pơrjum yal rơndăp ù tiah mờ gơ hòi gơ jà bơcri priă càr Dăk Lăk geh bơyai lơh tàm 2 ngai ngai 26 mờ 27 nhai 6 nhai neh lơh sir ală broă lơh rcang lài, crăp rcang wă pơgăp 1 rơbô nă cau ala mat, năc jà tus bal.

VOV.K'Ho- Ngai òr (24/06), Ồng Phạm Gia Túc, Phó Thủ tướng Duh broă sùm Chính phủ đơng lam dơ̆ pơrjum Anih duh broă Lơh broă bal đah lơgar Việt Nam mờ lơgar Lào nàng sền wơl cồng nha lơh broă bal 6 nhai bồ nam mờ lơh jăt kơnòl tàm tơngai tus.

VOV.K’Ho - Drim ngai 24/6, tàm Hà Nội, ồng Tô Lâm - Tổng Bí thư, Chủ tịch lơgar, Bí thư Anih duh broă đơng lam Đảng Ling klàng Dà lơgar đơng lam Pơrjum dơ̆ 2 Anih duh broă đơng lam Đảng Ling klàng dà lơgar tơngai lơh broă bơh nam 2025 tus nam 2030.

VOV.K’Ho - Drim ngai 24/6, càr Dăk Lăk pơgồp bal mờ cau bơcri priă tus bơh lơgar Tây bơyai lơh dơ̆ sơn đờm lam lơh Rơndap broă lơh mpồl 3 hìu măi đèng càl mờ kờp jơh priă bơcri lơh rlau 2 rbô tơmàn đong.