VOV.K’Ho- Mpồl Kwang bàng ala mat Đảng Cộng sản Việt Nam bơh ồng Lê Hồng Quang, Phó Lam bồ Mpồl pơgồp jơnau đơs mờ Dong broă dà lơgar lơh Lam bồ mpồl neh còp mờ lơh broă tàm lơgar Brazil.

VOV.K’Ho- Drim òr (16/08), Mpồl Lòt sền, jat sền sồ 235 bơh Bộ Chính trị, Mpồl đơng lam Đảng bơh ồng Nguyễn Thanh Nghị, Lam bồ Mpồl Gùng dà broă lơh mờ Broă rơndăp broă lơh dờng dà lơgar lơh lam bồ mpồl, yal jơnau lơh nền lòt sền, jat sền nam 2026 gơwèt mờ Mpồl Lơh kơnòl broă sùm Tỉñ ủy càr Dăk Lăk.

VOV.K'Ho- Tàm Hìu pơrjum càr Gia Lai, Bộ Broă lơh sa suơn sre mờ Tiah ơm kis pơgồp bal mờ Anih duh broă Làng bol càr Gia Lai bơyai lơh Pơrjum lơh jăt broă rơndăp lơh bơsong ală jơnau sồr bơh Anih duh broă câu Âu (EC) dê mờ lơh nhai lơh broă uă tam dră mờ lơh phan tàm dà ờ di mờ adăt boh lam, ờ yal mờ ờ lơh jăt jơnau geh ai (IUU).

VOV.K'Ho- Tàm Hìu lơh broă Chính phủ, ồng Lê Tiến Châu, Phó Thủ tướng Chính phủ đơng lam dơ̆ pơrjum Mpồl Sồr lơh hìu bơsram bàr kấp ală sàh tiah nhàr lơgar, pờ tơlik tàm internet mờ ală càr, ƀòn dờng.

VOV.K'Ho- Geh bal tiah lơh phan dờng mờ mpồng lik lòt tus dà lềng tơnơ̆ tơmŭt bal, càr Dăk Lăk gam ntào tềng đăp tŭ niam nàng tơnguh pràn bè lơh sa mờ măi mok lơh gơs phan nền nòn. Mơya, nàng lơh jăt mùl màl jơnau kờñ do, càr pal bơsong bơta gơkòl bè phan bơna logistics mờ tơrbŏ bal tiah. Do là bơta geh uă cau jăk, mpồl lơh sa kă bro tơrgùm mblàng tàm Pơrjum bơyai bơtàu tơnguh tiah, mpồl lơh sa mờ măi mok pơgồp bal mờ lơh gơs phan nền nòn mờ logistics pơgồp bal tiah geh Anih duh broă Làng bol càr Dăk Lăk bơyai lơh.

VOV.K’Ho- Geh bơyai lơh ƀơh ngai 15 nhai 8 tus ngai 02 nhai 9, do là dơ̆ sơnrờp Lơh chờ sầu riêng tàm càr Dăk Lăk geh bơyai lơh dờng kấp càr. Lơh chờ geh 17 broă lơh, bơyai lơh tàm sơnah ƀòn Buôn Ma Thuột, sàh Krông Păc, sơnah ƀòn Tuy Hoà bal mờ uă uă sàh, sơnah ƀòn geh bă ù tam sầu riêng uă. Lơh chờ Sầu riêng càr Dăk lăk nam 2026 ờ mìng kờñ yal phan geh lơh mờ gam wèt tus bơ̆t bơtàu bơta gah gah phan do, pờ ơnàng drà kă bro mờ ai geh bơta kwơ kơl jăp cau lơh in.

VOV.K’Ho - Nàng kờñ rơcang lài gơ dờp mờ ală broă gơlik geh ờ gơtùi git lài trồ tiah dê, is ồn là bơta mìu dà tih dà lìu ờ niam, càr Dăk Lăk rơcang lài dong làng bol lơh uă bơta hìu ơm pleh dà tih dà lìu. Git nđờ rhiang nơm hìu bơh “Broă lơh dờng Quang Trung” dê neh geh lơh gơs, git nđờ jơt nơm hìu pơrđồng geh jrong lam gùng mờ uă hìu ơm pleh dà tih dà lìu mpồl bơtiàn, dong làng bol iang nùs tàm tơngai mìu uă, dà tih dà lìu mờr tus.

VOV.K'Ho- Tàm dơ̆ tus còp kấp Dà lơgar tus lơgar New Zealand, ngai òr (13/08), ồng Tô Lâm, Tổng Bí thư, Chủ tịch lơgar tìp măt cri bơyai mùl màl mờ ồng Christopher Luxon, Thủ tướng lơgar New Zealand.

VOV4.K'Ho- Tơnơ̆ rlau 2/3 tŭ tơngai lam lơh “Broă lơh dờng sờr ntrờn măt ù ală rơndăp broă lơh, broă lơh bơ̆t bơtàu tờm kwơmàng”, tus tŭ do, càr Dăk Lăk neh tă bơsong măt ù ai gĭt nđờ jơ̆t rơndăp broă lơh gơtìp gơkòl uă nam in.

VOV.K’Ho- Drim ngai 13/8, tàm Hìu lơh broă Chính phủ, ồng Lê Minh Hưng- Thủ tướng Chính phủ đơng lam dơ̆ lơh broă mờ Anih priă jền dà lơgar Việt Nam mờ ală mpồl ai càn priă.