Dờp jơnau jà bơh Bơtau lơgar Bơtau Đan Mạch dê là ồng Frederik X mờ Pơ ùr Bơtau , ồng António Costa, Chủ tịch Mpồl duh broă câu Âu mờ ồng Bart De Wever, Thủ tướng lơgar Bơtau Bỉ dê, Drim do (19/10), ồng Tô Lâm, Tổng Bí thư, Chủ tịch lơgar bal mờ Pơ ùr mờ mpồl cau ala măt kâp dờng lơgar Việt Nam lòt gùng còp lơgar Bơtau Đan Mạch kâp dà lơgar, còp ngan ngồn Mpồl Tam klăc câu Âu (EU) mờ lơgar Bơtau Bỉ bơh ngai 19 tus 24 nhai 10 nam 2026.

Dơ̆ lòt còp lơgar Đan Mạch kâp Dà lơgar bơh ồng Tô Lâm, Tổng Bí thư, Chủ tịch lơgar dê là tŭ jiơ kah yau kwơmàng tàm gĭt gơ̆p 2 lơgar, tơnggŏ bơta wèt sền jŏ jòng, jơh nùs lơh ngan chính trị mờ bơta pin dờn đah đơng lam bàr lơgar, mơkung lơh gơlik geh bơta pràn gơn kơnờm pa ai gĭt gơ̆p Việt Nam mờ Đan Mạch gơguh tus gơnoar broă dờng pa. Mờ EU, dơ̆ lòt còp là tŭ nàng 2 đah lơh jrô ơnàng rlau tai ală broă lơh broă bal kwơmàng, ngan là bè kă bro phan, bơcri priă, jak chài – măy mŏk, bơto cau lơh broă, bơh hơ̆ bơ̆t bơtàu gĭt gơ̆p Việt Nam mờ EU gơgơs krơh lam lài tàm tơngume lơh broă bal Asean mờ EU. Gơ wèt mờ Bỉ, dơ̆ lòt còp nàng 2 đah lơh geh bơta tam gơl kwơmàng bè lơh broă bal tàm ală broă lơgar Bỉ geh bơta pràn mờ Việt Nam gam tơrgùm ai lài bè jak chài – măy mŏk, chíp bán dẫn, năng lượng lơh geh wơl, broă lơh sa sươn sre tơlir mờ tam gơl pa bơceh lơh, logistics mờ anih ơhò dà lềng ơm ngăc ngar.