Mho òr (18/10), tàm Hìu lơh broă Chính phủ, ồng Lê Minh Hưng, Thủ tướng Chính phủ neh tìp măt cri bơyai mờ mò Brigitte Haas, Thủ tướng lơgar Liechtenstein.

Tàm dơ̆ tìp măt cri bơyai, ồng Lê Minh Hưng, Thủ tướng Chính phủ đơs nền lơgar Việt Nam sền kwơ bơta git gơ̆p mờ lơgar Liechtenstein, đơs niam bơngă bal mờ ală bơta pràn lơgar Liechtenstein dê tàm ală gah broă jăk chài - măi mok, tam gơl pa bơceh lơh, priă jền, măi mok mờ bơtàu tơnguh cau lơh broă geh bơta ngăc ngar uă. Cri bơyai bè gùng dà broă lơh bal tàm tơngai tus, bàr Thủ tướng ring bal pơn jăt tai tơnguh broă tam gơl mpồl ală kấp, lơh pràn ală kơrnoăt lơh broă bal mờ rề ơnàng lơh broă bal tàm ală gah broă mờ bàr gah geh bơta pràn mờ gơtùi tàm bơtơl bal bè priă jền, jăk chài - măi mok, tam gơl pa bơceh lơh, tam gơl sồ mờ lơh măi mok pa.