VOV.K’Ho- Nam bơsram 2026–2027, 3 rơbô 100 nă kơnòm bơsram tàm ală sàh tiah nhàr lơgar hơđang ù gờl bơh càr Dăk Lăk dê geh Ia R’vê, Ia Lốp mờ Buôn Đôn rơ̆p sơnđờm mut bơsram sră, ơm kis tàm ală hìu bơsram ơm sa bĭc tơn 2 kấp. Ờ mìng geh tơl ală bơta bơsram sră, ală phan bơna niam rlau tai, ală oh gam geh kis tàm tiah bơsram ƀuơn ngan nàng bơsram tàp, bơtàu tơnguh mờ hời rơ hời tào dờng.

VOV.K’Ho- Drim òr (10/08), Mpồl Chính phủ lơgar Cộng hòa xã hội Chủ nghĩa Việt Nam bơh ồng Lê Minh Hưng, Thủ tướng Chính phủ lam bồ neh tus ơn guàng bơkào, ies ƀồc ồng Saysomphone Phomvihane, Kwang bàng Bộ Chính trị, Chủ tịch Quốc hội lơgar Cộng hòa Dân chủ Nhân dân Lào, tàm Kwang atbồ anih lơh broă ala mat lơgar Lào tàm lơgar Việt Nam.

VOV.K’Ho- Tàm dơ̆ lòt còp lơgar Australia, ngai òr (10/08), ồng Tô Lâm, Tổng Bí thư, Chủ tịch lơgar tus bal mờ đơs tàm Anih cribơyai jak chài măi mok, tam gơl pa bơceh lơh, bơcri priă, bơto bơtê mờ bơsram mờ Bơtàu tơnguh cau lơh broă đah Việt Nam mờ Australia nam 2026.

VOV.K'Ho- Iăt làng bol, mpồl lơh sa kă bro, cri bơyai mờ ơruh pơnu mờ kwơ màng rơlao là bơsong ală bơta geh ai gam geh gơnoar atbồ càr Gia Lai ai là jơnau kờñ tàm broă đơng lam. Bơh nhai 8 do, càr lơh jăt mìng dùl tơngu me jơnau “Làng bol, mpồl lơh sa kă bro lùp – Gơnoar atbồ càr Gia Lai hơ”. Chủ tịch Anih duh broă Làng bol càr Gia Lai đơs nền: gơnoar atbồ sùm iăt nàng lơh broă, ai geh tiah nàng làng bol, mpồl lơh sa kă bro bal mờ ơruh pơnu bơtàu tơnguh.

VOV.K’Ho- Anih duh broă Làng bol càr Dăk Lăk pa lơh broă mờ cau tờm bơcri priă mờ ală sờh, gah broă lơh, sền wơl tơngai hơ pơrgon, tă bơsong kal ke, lơh mhar rơndap broă lơh Tiah lơh sa mờ măi mok Phú Xuân, kờp jơh priă bơcri mờr 2 rbô 500 tơmàn đong.

VOV.K'Ho- Tàm tơngai dà lơgar ies tơ̆p ƀồc, ală anih lơh broă, tiah lơh broă dà lơgar tàm gùt lơgar mờ anih lơh broă ala mat lơgar Việt Nam tàm lơgar ndai yồng ƀồng bi gơ jrùh, cèng biài ies tơ̆p ƀồc mờ ơm jơh ală broă lơh nhơl chờ, lơh rài bồ tơngoh mpồl bơtiàn.

VOV.K’Ho- Dờp jơnau jà bơh Atbồ lơgar Australia mờ Atbồ lơgar New Zealand ồng Cindy Kiro, bơh ngai 9 tus ngai 14/8/2026,ồng Tô Lâm- Tổng Bí thư, Chủ tịch lơgar bal mờ Mpồl ala mat kấp dờng lơgar Việt Nam còp kấp dà lơgar tus lơgar Australia mờ New Zealand.

VOV.K’Ho- Càr Dăk Lăk kờp dŭ tơrmù mờr 51% khà hìu bơsram dà lơgar tơnơ̆ tŭ rơndap tap sèng wơl ală hìu bơsram, ơdŭ bơsram. Do là broă rơndap lơh pa geh Mpồl Lơh kơnòl broă sùm Tỉnh ủy càr Dăk Lăk ai jơnau đơs tàm Pơrjum dơ̆ 27. Mờ khà rơndap tap sèng uă, broă geh ai tơlik tŭ do là lơh bè lơi nàng tơrmù dipal mpồl atbồ, ngui geh cồng nha priă jền mơya ờ lơh gơ rềng tus broă bơto bơtê mờ bơsram.

VOV.K’Ho- Anih duh broă Làng bol càr Gia Lai pa bơyai lơh Pơrjum tìp mat tơm bơh bơr tơn đah Chủ tịch Anih duh broă Làng bol càr mờ đoàn viên, ơruh pơnu nam 2026.

VOV.K'Ho- Mho òr (09/08), tàm càr lơgar Vientiane, Mpồl kwang bàng ala măt kấp dờng Đảng mờ Dà lơgar Việt Nam geh ồng Trần Thanh Mẫn, Chủ tịch Quốc hội lam bồ neh tus ies ƀồc ồng Saysomphone Phomvihane, Kwang bàng tàm Bộ Chính trị, Chủ tịch Quốc hội lơgar Lào.