Tàm nùs nhơm dòn song, lơh bơyô, bàr gah bal mờ gơp sền wơl ală bơta tam gơl kuơmàng tàm lam lơh geh cồng nha dar pơrjum dơ̆ dùl Anih duh broă lơh broă bal đah Quốc hội Việt Nam mờ Quốc hội lơgar Lo (nhai 8 nam 2025). 

Nàng kờñ pơn jat tai lơh niam bơta git gơp 2 lơgar tàm tơngai tus, ồng Trần Thanh Mẫn, Chủ tịch Quốc hội mờ ồng Triệu Lạc Tế, Chủ tịch Quốc hội lơgar Lo ring bal bàr gah gàr sùm cribơyai kâp dờng, lơh gơlik bơta tờm chính trị kơnhăp kơ̆ rlau ai lơh broă bal in tàm ală gah, ală broă; lơh gơs gơnoar broă pa ai lơh broă bal ngan ngồn bàr gah in, ngan là chồl tơnguh lơh broă bal kă bro phan bơtàu tơnguh ndrờm bal, kơ̆ kơljap rlau, bơcri priă geh bơta niam uă, tàm tơrbŏ bal gùng rơndeh ồs ndrờm bal, pa, lơh pràn lơh broă bal jak chài măi mok; ngai sơlơ gàr kơ̆ bơta tờm mpồl bơtiàn ƀuơn ƀuài ai git gơp 2 lơgar in, sơlơ lơh broă bal ƀòn lơgar, tìp mat lơh kwèng làng bol, lơh broă bal bơto bơsram, niam chài, lòt nhơl; pơgồp bal uă gah nền nòn rlau, bal mờ gơp atbồ geh cồng nha gùng nhàr lơgar đang ù gờl mờ gròi sền, bơsong niam bơta ờ ring bal, gàr sùm bơta kơ̆ kơljap, ring lơngai tàm dà lềng.