Tàm dơ̆ pơrjum, ồng Lê Minh Hưng, Thủ tướng Chính phủ đơs nền jơnau kờñ pal ai tơl ồs đèng là broă jal mhar, bơta pal geh nàng lơh geh cồng nha ală jơnau kờñ, kơnòl broă bơtàu tơnguh lơh sa mpồl bơtiàn tàm nam 2026 - do là nam lơh bơnàng jă lài ngan nàng nam 2027 là nam tơnguh mhar, lơh pràn mờ lơh geh cồng nha ală jơnau kờñ, kơnòl broă bơh jơh tơngai lơh broă.

Thủ tướng sồr, pal lơh jăt ală broă lơh pràn kơl dang rơlao tai, đal loh bơta pràn lơh, kơnòl broă mùl màl bơh tơl nă cau gơrềng bal mờ broă lơh jăt broă Rơndăp lơh ồs đèng dê. Bộ Lơh sa mờ măi mok Kă bro phan đơng lam, pơgồp bal mờ ală bộ, gah lơh broă, anih lơh broă gơrềng bal, ală càr, ƀòn dờng bè broă lơh jăt tơl rơndăp broă lơh; lơh loh kơnòl bơh ală mpồl lơh broă tàm broă lơh jăt bal, bơsong ală gơkòl. Nùs nhơm là broă lơh niam wơl pal gàr geh cồng nha, lơh gơs mờ ai ngui lơh ală rơndăp broă lơh, lơh jăt di mờ jơnau geh ai mờ gàr bơta niam kal jăp.