Đơs tàm dơ̆ tìp mat, ồng Tô Lâm, Tổng Bí thư, Chủ tịch lơgar ai tơnggŏ bơta chờ hờp geh tìp mat ală cau kă bro geh pơn rơ jak, ala mat mpồl bơtiàn mpồl lơh sa kă bro Việt Nam. Ala mat đơng lam Đảng, Dà lơgar, ồng Tô Lâm, Tổng Bí thư, Chủ tịch lơgar pơyua tus ală rơnàng cau kă bro tàm lơgar, tàm lơgar ndai mờ ală cau bơcri priă lơgar ndai gam lòt bal mờ Việt Nam jơnau lùp còp đềt mềr, jơnau nting bơr gờm chờ niam ngan rlau jơh.

Ồng Tô Lâm, Tổng Bí thư, Chủ tịch lơgar đơs nền, Đảng, Dà lơgar jơh nùs ki ngàm bơta tă pơgồp, sền gàr gơnoar mờ bơta kuơ dipal, lơh gơlik bơta niam nàng cau kă bro in ngui bơta jak chài, lơh pas dipal. Ồng Tô Lâm, Tổng Bí thư, Chủ tịch lơgar kơp kờñ ală cau kă bro bơt bơtàu nùs nhơm dờng, kơ̆ nùs bơt bơtàu mpồl lơh sa kă bro, mat kă bro mờ bơta niam, pràn jak mờ bơngă pin dờn, cèng wơl bơta pin dờn Việt Nam in. Tus nam 2045, tŭ dà lơgar tòm 100 nam lơngap lơngai is, bol he kơp kờñ pơn yờ să bè dùl Việt Nam bơtàu tơnguh mờ ală mpồl lơh sa kă bro kơ̆ kơljap, pràn kơldang.