Jơnum kơlôi sơnơng geh 17 nă cau là ala mat ală sờh, gah broă lơh, mpồl lơh broă, mpồl cau mờ kwang bàng mờng chài, geh kơnòl sền nền wơl, bơ tơl, lơh sir mat ƀồc ntìng cau chơt màng; lơh sră nggal cau chơt màng, bơtô ƀồc cau chơt màng; tơrgùm wơl cồng nha pơn dut ƀòn lơgar mờ bơt bơtàu sră wac rùp lòt jòi, rồ tơrgùm ƀồc ntìng cau chơt màng.

Is ồn, jơnum rơp dờp, kơlôi sơnơng, tàm pơn drờm ală jơnau yal tơnggit bơh mpồl bal, cau nă să is yal, tơrgùm tàm ală jơnau yal tơnggit gơ rềng tus ală bơtô ƀồc tơp bal. Bơh hơ̆, lam lơh đal git, pơrjum cribơyai, pơn dut jơnau yal tơnggit, lơh cơng tàng, bơnàng jă nàng lam lòt jòi, rồ tơrgùm ƀồc ntìng cau chơt màng.

Lam lơh broă lơh dờng 500 ngai mang, tus tŭ do, gùt càr Gia Lai neh lơh gơs broă ai mẫu tàm 119 ƀlàng tơp ƀồc cau chơt màng mờ rlau 7 rbô 800 mẫu geh tơl bơta nàng lơh xét nghiệm ADN. Mpồl lơh broă geh gơnoar neh rồ tơrgùm 63 ƀồc ntìng cau chơt màng. Tŭ do, ală mpồl lơh broă càr Gia Lai gam pơn jat tai lơh ngan nàng pơn jat tai lòt jòi, rồ tơrgùm ală ƀồc ntìng cau chơt màng gam wơl tàm ală tiah tam lơh rài yau.