Kờp tus jơh nhai 9, khà ai priă bơcri dà lơgar nam 2026 càr Lâm Đồng dê mìng rơ̆p geh 55% broă rơndăp lơh dê. Geh bơta lơyài ai priă geh Anih duh broă Làng bol càr Lâm Đồng dê sền swì gĭt nền loh làng là tài bơh broă lam lơh jăt, tàm hơ̆ gơkòl dờng ngan là broă sờr ntrờn măt ù.

Tàm 3 nhai lồi nam, kờp jơh priă bơcri dà lơgar mờ càr Lâm Đồng kờñ pal ai priă là mờr 10 rơbô 500 tơmàn đong. Gùng dà broă lơh mờ càr ai là pơlam, sồr ală cau tờm lơh geh ù tiah tus tàm tiah lơi lơh tus tàm tiah hơ̆; ờ ai lơh broă, yal loh làng tàm internet tàm pơrlòng săc rwah cau lơh broă dà lơgar gơwèt mờ ală mpồl lơh broă ờ pràn. Ồng Hồ Văn Mười, Chủ tịch Anih duh broă Làng bol càr Lâm Đồng pà git, rơ̆p lơh ngan ntrờn kwang bàng tàm sàh, sơnah ƀòn di lah lời gơtìp lơyài tàm broă sờr ntrờn  măt ù mờ tơngai dŭt ndơl nàng ală sàh, sơnah ƀòn geh rơndăp broă lơh gơs broă sờr ntrờn măt ù là ngai 30 nhai 10 do.