VOV.K'Ho- Tơnơ̆ mờ jơ̆t nam lam lơh rơndăp broă lơh, ală nrang trà sơnrờp ngan lơgar Việt Nam dê pa geh lơh tàm Tiah lơh sa mờ măi mok Nhân Cơ, càr Lâm Đồng dê. Bơh lŭ bauxite tàm tiah ù, gơs alumin mờ tus tŭ do neh gơs phan trà; dùl mpồl lơh gơlik gam lơh gơs, cèng bal jơnau kơ̆p gơn bè broă lơh, gơhòi gơjà bơcri priă mờ ală gah lơh sa mờ măi mok pa tàm Tây Nguyên dê.

VOV.K'Ho- Mho ngai 6/8, tàm Hìu duh broă Chính phủ, ồng Lê Minh Hưng, Thủ tướng Chính phủ neh tìp măt kâp dờng ồng Sophon Zaram, Chủ tịch Quốc hội lơgar Bơtau Thái Lan gam còn ngan ngồn Việt Nam.

VOV.K'Ho- Ngai 6/8, Mpồl duh broă Làng bol càr Dăk Lăk bơyai lơh Dơ̆ pơrjum mìng dùl tơngume dơ̆ Bàr, ring bal 11 jơnau lơh nền tàm pơrjum kwơmàng nàng kờñ lơh loh làng ală jơnau lơh nền, lơh gơlik bơnàng jă bơtàu tơngguh lơh sa- mpồl bơtiàn, gàr niam sền gàr dà lơgar, lơngăp lơngai tơngai bơh nam 2026- 2030.

VOV.K'Ho- Lơh loh làng Jơnau lơh nền tàm pơrjum sồ 57 bơh Bộ Chính trị dê, càr Lâm Đồng gam lơh pràn ai bơta jăk chài, măi mok, tam gơl pa bơceh lơh mờ tam gơl sồ tàm tơl gah broă lơh sa. Bơh tam gơl ală cồng nha kơlôi sơnơng lơh gơs broă kă bro phan, broă lơh drơng ala tus mờ lơh gơs mpồl geh kwơ, càr wèt tus tam gơl bơta geh gơs phan geh lơh, cồng nha mờ bơta pràn tàm pơrlòng, ai geh bơta pràn pa gơguh lơh sa in.

VOV.K’Ho- Mho mang ngai 6/8, tàm Hìu Quốc hội, ồng Trần Thanh Mẫn- Chủ tịch Quốc hội neh wă Kwang atbồ anih lơh broă ala mat lơgar Mỹ tàm lơgar Việt Nam mò Jennifer Wick còp să di dơ̆ Kwang atbồ anih lơh broă ala mat lơgar Mỹ sơnđờm tơngai lơh broă tàm lơgar Việt Nam.

VOV.K’Ho- Ngai 6/8, Anih duh broă Làng bol càr Gia Lai bơyai lơh dơ̆ tìp mat mờ cau tĕ khà tàm sơnah ƀòn Quy Nhơn – tiah geh càr rơndăp ù tiah bơt bơtàu tiah drà lòt nhơl niam lơngăp lơngai, đềt mềr.

VOV.K'Ho- Drim òr (06/08), ồng Tô Lâm, Tổng Bí thư, Chủ tịch lơgar lơh broă mờ Đảng ủy Chính phủ mờ ală anih lơh broă bè lơh jăt Jơnau lơh nền tàm pơrjum sồ 13 bơh Dà lơgar dê mờ Jơnau đơs pơn dŭt sồ 72 bơh Bộ Chính trị khoă XIII bè bơ̆t bơtàu phan bơna ndrờm bal nàng ai dà lơgar he gơs lơgar lơh sa mờ măi mok jăt gùng dà broă lơh pa.

VOV.K’Ho - Drim ngai 06/8, tàm Hà Nội, ồng Lê Minh Hưng - Thủ tướng Chính phủ, Cau lam bồ Mpồl sồr lơh Lơngăp lơngai internet dà lơgar neh tus bal dơ̆ tơngkah kir sơnrai Ngai Lơngăp lơngai internet Việt Nam (06/8/2024 - 06/8/2026)

VOV.K’Ho - Chủ tịch Anih duh broă Làng bol càr Quảng Ngãi pa sồr ală sờh, gah broă lơh, ƀòn lơgar tă bơsong jơh ală bơta gơ kòl bè ai ù lơh rơndap broă, phan ngui bơt bơtàu mờ kơnòl lam lơh, lơh gơlik bơta tam gơl pràn nàng lơh gơtùi jơnau kờñ gơguh tai 9% tàm nam do.

VOV.K’Ho- Ngai 5/8, Đại tướng ồng Trịnh Văn Quyết, Lam bồ Mpồl Mblàng yal, Bơto bơtê Dà lơgar tus bal mờ đơng lam “Ngai chờ gùt làng bol sền gàr lơngăp lơngai Dà lơgar tờm” nam 2026 tàm sơnah ƀòn Hoài Nhơn Bắc, càr Gia Lai.