VOV.K'Ho- Mho òr (21/04), Tổng Ƀí thư, Củ tịc lơgar ồng Tô Lâm lơh broă mờ Mpồl Lơh kơnòl broă sùm Tỉñ ủy càr Hà Tĩnh bè cồng nha lơh jăt kơnòl cíñ trị, lơh jăt ală gùng dà broă lơh, Jơnau lơh nền bơh Dà lơgar mờ gùng dà kơnòl broă, bơtàu tơnguh càr dê tàm tơngai tus.

VOV.K'Ho- Nàng atbồ kơl jăp broă lơh ka, sền gàr bơta kwơ jŏ jòng cau lơh ka in, Anih duh broă Làng bol càr Lâm Đồng pa crơng gơs Mpồl lơh broă ală gah lơh broă bè broă lòt sền broă tam dră mờ lơh phan tàm dà ờ di mờ adăt boh lam, ờ yal mờ ờ jăt jơnau geh ai (IUU) dê tàm càr.

VOV.K'Ho- Tàm càr Hà Tĩnh, Tỉñ ủy, Mpồl duh broă Làng bol, Anih duh broă Làng bol, Anih duh broă Mặt trận Dà lơgar Việt Nam càr Hà Tĩnh bơyai lơh tơnkah 120 nam tờm Ngai deh ƀồc Ƀí thư ồng Hà Huy Tập (24/4/1906-24/4/2026), Tổng Ƀí thư, Củ tịc lơgar ồng Tô Lâm tus mờ geh jơnau đơs tàm dơ̆ pơrjum.

VOV.K’Ho- Pơn jat tai pơrjum dơ̆ 1, ngai 21 nhai 4, Quôk hội pơn jat tai cribơyai tàm jơnum bè sền sơwì bơtơl cồng nha lơh jat broă rơndăp lơh bơtàu tơnguh lơh sa- mpồl bơtiàn mờ kes priă dà lơgar nam 2025; broă lơh jat broă rơndăp lơh bơtàu tơnguh lơh sa - mpồl bơtiàn mờ kes priă dà lơgar ală nhai bồ nam 2026; Broă rơndăp lơh bơtàu tơnguh lơh sa- mpồl bơtiàn 5 nam bơh nam 2026- 2030; Broă lơh lơh jat tềm pềr, dră wơl mờ pơhì pơhà nam 2025; Broă lơh jat jơnau kờñ Dà lơgar bè ring bal ùr klau nam 2025.

VOV.K’Ho- Mho òr (20/04), tàm Hà Nội, Tổng Ƀí thư, Củ tịc lơgar ồng Tô Lâm tus bal mờ đơng lam dơ̆ tìp mat ală cau ala mat Quôk hội là cau jơi bơtiàn dồ êt nă cau.

VOV.K’Ho- Drim òr (20/04), tàm Hìu Quôk hội, Anih duh broă Lơh kơnòl broă sùm Quôk hội neh pơrjum tă pơgồp jơnau đơs bè jơnau rcang cih Adat tam gơl, bơtơl bàr pe bơta bơh Adat Dia priă lơh geh cau dồ nă să is, Adat Dia priă gơguh tai, Adat Dia priă lơh geh mpồl lơh sa kă bro mờ Adat Dia tăc bro is ồn.

VOV.K’Ho- Mpồl tam klăc Mpồl lơh broă bal Việt Nam pa bơyai lơh Anih cribơyai Mpồl lơh broă bal Dà lơgar nam 2026 mờ tơngume “Tàm tơrbŏ bal lơh sa lơh broă bal mờ mpồl lơh sa làng bol dê lơh is” tàm Hà Nội. Broă tàm tơrbŏ bal ală mpồl lơh sa làng bol dê lơh is geh sền là broă lơh kwơ màng nàng bơyai lơh Mpồl lơh broă bal tơnguh uă bơta pràn jak tàm pơrlòng, gơ dờp ngăc ngar mờ broă lơh drà kă bro hời rơ hời lơh geh ală anih lơh broă geh kwơ kơnhăp kơ̆ tơnguh uă priă lơh geh ai cau lơh broă làng lơgar he dê.

VOV.K’Ho- Drim òr (20/04), tàm hìu lơh broă Cíñ phủ, Phó Thủ tướng ồng Hồ Quốc Dũng đơng lam pơrjum bè broă lam lơh mat ală bơta măi mok kuơmàng mờ phan bơna măi mok kuơmàng.

VOV.K’Ho- Tơngkah kir sơnrai ngai niam chài ală jơi bơtiàn Việt Nam (19/4), tàm Hà Nội, Tổng Ƀí thư, Củ tịc lơgar ồng Tô Lâm geh dơ̆ tìp mat Mpồl cau ala mat ală kra ƀòn, lam bồ ƀòn, cau chài, cau geh bơngă pin dờn geh pơn rơ jak geh uă tă pơgồp tàm broă prap gàr, sền gàr, lơh niam bơta kuơ niam chài bơh yau bơh ală jơi bơtiàn dê.

VOV.K'Ho- Uă bơta gơ kòl mùl màl neh geh đal git, sồr pal geh bơta pơn đơl dờng ngan nàng tă bơsong, wèt tus lơh gơs lài mờ 30/4 nam do.