VOV4.K'Ho- Drim ngai 13/08, tơnơ̆ Dơ̆ bơyai lơh wă rò dờng màng yŭ rơyùm geh lơh tàm Gơlăng Đơng lam, ƀòn dờng Auckland, lơgar New Zealand, ồng Tô Lâm, Tổng Bí thư, Chủ tịch lơgar neh tìp măt kâp dờng mờ mò Dame Cindy Kiro, Đơng lam lơgar New Zealand.

VOV.K'Ho- Đại tướng ồng Trịnh Văn Quyết, Kwang lam bồ Mpồl Mblàng yal Bơto bơtê Dà lơgar pa tus mờ sồr “Ngai chờ gùt làng bol sền gàr lơngăp lơngai Dà lơgar” nam 2026 tàm sơnah ƀòn Hoài Nhơn Bắc, càr Gia Lai. Đơs tàm ngai chờ, Đại tướng sồr gàr kơl jăp lơngăp lơngai pal sơn đờm bơh nùs nhơm làng bol mờ sồr càr Gia Lai tơrlòng bơ̆t bơtàu sơnah ƀòn xã hội chủ nghĩa.

VOV.K’Ho - Tàm dơ̆ lòt còp kâp dà lơgar tus lơgar New Zealand, mho mang ngai 12/8, tàm ƀòn dờng Auckland, lơgar New Zealand, ồng Tô Lâm - Tổng Bí thư, Chủ tịch lơgar mờ Mpồl cau ala mat kâp dờng lơgar Việt Nam neh tìp mat kwang bàng, cau lơh broă Anih lơh broă ala mat mờ ala mat mpồl bơtiàn cau Việt Nam tàm New Zealand.

VOV.K’Ho - Tàm tŭ Rơndap broă lơh dềt sồ 1 mờ sồ 3 gam lơh sir ală bơnah broă dut ndơl nàng ai ngui, Rơndap broă lơh dềt sồ 2 - gùng rơndeh lòt mhar Khánh Hòa - Buôn Ma Thuột tŭ do gam lơyài tơngai hơ pơrgon. Cau tờm bơcri priă mờ ală cau tờm lơh rơndap broă gam bơt bơtàu broă rơndap lơh lam lơh di mờ bơta geh ngan kàl mìu, lơh mhar lam lơh rơndap broă.

VOV.K’Ho - Tàm tŭ lam lơh Broă lơh dờng “500 ngai mang lơh pràn lòt jòi, rờ tơrgùm wơl mờ đal git mat ƀồc ntìng cau chơt màng”, sàh Đăk Pék, càr Quảng Ngãi neh rờ tơrgùm geh 10 ƀồc ntìng cau chơt màng tàm tiah thôn ngai 16 nhai 5.

VOV.K'Ho- Mho òr (12/08), tàm Hìu lơh broă Chính phủ, ồng Lê Minh Hưng, Thủ tướng Chính phủ neh wă ồng Rajpal Singh, Kwang atbồ Anih lơh broă ala măt lơgar Singapore tàm lơgar Việt Nam tus tìp măt.

VOV.K’Ho- Tơnơ̆ tŭ tơn jơh ală broă lơh tàm Canberra, lơgar Australia, mho mang ngai 12/8 (jat jơ ƀòn lơgar), ồng Tô Lâm, Tổng Bí thư, Chủ tịch lơgar bal mờ Mpồl cau ala mat kâp dờng lơgar Việt Nam neh tus càr lơgar Wellington, sơn đờm còp kâp dà lơgar tus lơgar New Zealand bơh ngai 12 tus ngai 13/8/2026 jat jơnau jà bơh Kwang atbồ lơgar New Zealand mò Cindy Kiro.

VOV.K'Ho- Tus nhai 8, càr Gia Lai mìng rơ̆p bơcri priă rơlao 9 rơbô 320 tơmàn đong, geh rơlao 30% broă rơndăp lơh tàm nam. Tŭ do càr gam tơrgùm lơh jăt uă gùng dà broă lơh nàng bơsong ală kal ke, lơh gơlòt priă bơcri, lơh ngan bơcri priă geh 100% rơndăp priă geh ai.

VOV.K’Ho- Ngai òr (12/08), tàm Anih lơh broă Chính phủ, ồng Hồ Quốc Dũng- Phó Thủ tướng pơrjum mờ ală Bộ, gah mờ ala mat ală mpồl lơh sa kă bro bè bơsong kal ke, kòl yan tàm gah ù tiah, tiah ơm kis, phan kwơ tàm ù, phan ngui bơt bơtàu.

VOV.K’Ho- Tềng đăp bơta gơlik geh trồ tiah geh kờp dŭ lài gam kal ke tàm ală nhai lồi nam, càr Dăk Lăk gam kờp sền jơh ală tơnau dơng dà, broă lơh bơt bơtàu rbòng dà mờ ală tiah geh pơhìn tơrlah ù, dà kŏ dà cò; mơkung lơh ală broă lơh rcang lài drơng rềp ngan mờ bơta geh ngan, ờ gŏ di lời gơtìp rơmơ̆p ndơl, nisơna tŭ trồ tiah lơh aniai gơlik geh.