Pơrjum geh pờ tơlik tơn tàm internet bơh sàh Phú Thiện tus ală sàh, sơnah ƀòn: Ayun Pa, Ia Rbol, Ia Sao, Pờ Tó, Ia Pa, Ia Tul, Phú Túc, Ia Dreh, Ia Rsai, Uar, lơh geh bơta ƀuơn nàng gal ngan cau tĕ khà in tus bal, yal nùs nhơm, jơnau kơ̆p kờñ mờ jơnau đơs jơnau dan tus mờ Quốc hội, ală anih lơh broă Dà lơgar mờ ƀòn lơgar. Cau tĕ khà ală sàh, sơnah ƀòn neh đơs uă broă bè rài kis: broă bơsong jơnau gơ lời wơl, dong kờl hoàc huơr tơnơ̆ trồ tiah lơh aniai, lơh niam wơl phan bơna bơt bơtàu gùng lòt rê tàm ală sàh, lơh niam wơl ală broă lơh dà sàng kloh, broă bơsong broă dong kờl ai cau lơh broă in ơm rlô lơh broă jăt Jơnau lơh nền tàm pơrjum 178 bơh Chính phủ dê. Bơdìh mờ ală broă rài kis làng bol dê, cau tĕ khà kung tơlik nùs nhơm kơlôi rơcang bè broă rơndăp tăp sèng mpồl lơh broă sră pơ àr gơnoar ătbồ.

Cih dờp jơnau đơs bơh cau tĕ khà dê, ồng Nguyễn Hồng Diên- Phó Chủ tịch Quốc hội đơs loh, Dà lơgar ờ geh gùng dà broă lơh pơn jăt tai tơmut bal kâp càr, kâp sàh. Gơ jat tàm jơnau kờñ geh ngan mờ tơl càr rơp sền sơ wì broă rơndap tap sèng wơl kấp sàh gơ in dipal, geh cồng nha rlau.