UNICEF dong kờl 450 nơm sơntèk dơng dà dong làng bol Dăk Lăk in
Thứ năm, 13:22, 15/10/2026
Cau mblàng K’Hạnh/VOV Tây Nguyên
Cau mblàng K’Hạnh/VOV Tây Nguyên
VOV.K’Ho- Bộ Broă lơh sa suơn sre mờ Tiah ơm kis pơgồp bal mờ Anih duh broă Làng bol càr Dăk Lăk mờ Kes priă Kơnòm dềt Liên hợp quôk (UNICEF) bơyai lơh jàu sơntèk dơng dà sàng goh ai làng bol bàr pe sàh tàm Dăk Lăk in, nàng kờñ drơng mờ jơnau pơhìn ờ tơl dà ngui sa tài gơ rềng bơh bơta El Nino.
Tàm dơ̆ do, UNICEF dong kờl 450 sơntèk dơng dà geh khà 1 rơbô lĭt ai làng bol tàm 3 sàh: Ea Phê, Cư Pui mờ Krông Păc, càr Dăk Lăk in. Cau geh dong kờl là ală hìu ờ tơl dà sàng goh drơng tàm rài kis, ngan là dà hùc. Broă lơh ai lài hìu bơnhă rƀah, hìu bơnhă pa lik klàs rƀah, hìu bơnhă geh cau ùr lơh tờm mờ hìu bơnhă geh kòn dềt, ngan là kòn dềt kuet kơlte.
Bal mờ dong kờl ală hìu bơnhă, broă lơh gam sền sơwì pà sơntèk dơng dà ai ală hìu bơsram geh jơnau kờñ ngan ngồn in, pơgồp bơnah gàr tơl dà drơng kơnòm bơsram mờ cau pơgru in. Broă pà sơntèk dơng dà geh lam lơh tàm tŭ tơngai ală tiah gam rơcang lài rơndap broă lơh rơcang lài drơng mờ trồ prang, ờ tơl dà ngui sa ngan là kàl prang 2026-2027.
Viết bình luận