Tàp ling dơ̆ do geh broă lơh dờng bè mpồl bal mờ phan ling, mờ broă tus bal bơh rơlao 2 rơbô 600 nă mờ git nđờ rơhiang nơm phan lơh broă, phan mìng geh ngui tàm mpồl ling dê, tàm hơ̆ bal rơndeh par duk, so mìng lơh kơnòl broă.

Tơngu me tàp ling geh 2 tơngai: Lơh geh mpồl đơng lam pơgồp bal mờ jào kơnòl broă, bơyai lơh tơrgùm bal. Tơngai dơ̆ 2 là lơh jăt broă rơcang pleh mờ rềs àr bơh mìu càl dờng pràn, mờ ală tơngu me: Dong kờl jal mhar làng bol tiah gơbam dà mờ lơh geh hìu sơnơm ing; dong kờl tŭ gơtìp tơrlah broă lơh; rơcang pleh mờ bơta gơlik nhơm ƀơ̆, dà sơnơm ngòt rơngơ̆t… Tàp ling kờñ tơnguh uă bơta pràn đơng lam, mờ bơta pràn pơgồp bal, tơrgùm bal đah ling klàng pe lơgar Việt Nam - Lào - Campuchia tàm broă dong kờl rềs àr bơh trồ tiah, bơta gơtìp rềs àr, rềs àr trồ tiah dờng, di pal mờ jơnau kờñ, kơnòl broă rơcang gàr làng bol tàm bơta pa.