Pơrjum geh bơyai lơh nàng kờñ ring bal uă ngan rlau jơh bè bơta gĭt wă mờ broă lơh tàm mpồl kwang bàng, đảng viên, tàm ală kấp ủy, mpồl Đảng bè ală nùs nhơm đơng lam sồr lơh, tơngume tờm, ală bơta pa, tờm ngan tàm ală gùng dà broă lơh tờm bơh Đảng dê.

Ală cau ala mat kơlôi sơnơng, bơsram 6 tơngume mìng dùl lơm, geh: Jơnau lơh nền tàm pơrjum bè sơlơ tơnguh tai bơt bơtàu, lơh niam wơl Đảng mờ ală anih lơh broă chính trị sàng goh, kơ̆ pràn, tơl làm, lơh geh jơnau sồr bơtàu tơnguh bơh dà lơgar dê tàm rài pa; Jơnau lơh nền tàm pơrjum bè tam gơl pa gùng dà broă lơh đơng lam, at gơnoar bơh Đảng dê gơwèt mờ ală anih lơh broă chính trị tàm tơngai pa; Jơnau lơh nền tàm pơrjum bè tơrgùm bơt bơtàu mpồl kwang bàng ală kấp, ngan là kấp kwơ màng tơl nùs nhơm, pràn jak mờ bơngă pin dờn, ndrờm pal mờ kơnòl broă. Jơnau sồr bè đảng viên tus bal broă lơh bơcri priă, kă bro phan; Đơs pơndŭt bè Broă lơh kwơ màng dà lơgar dê bè gơ hòi gơ jà, ngui cau lơh broă mờ bơtàu tơnguh cau jak tàm ală gah, gah broă tờm drơng broă dà lơgar bơtàu tơnguh mhar; Jơnau yal sền sơ wì bơta bơtàu tơnguh lơh sa- mpồl bơtiàn, kờp dŭ lài kes priă dà lơgar nam 2027.