Ồng Vương Hải Bằng, Kwang bàng Mpồl Lơh kơnòl broă sùm Tỉñ ủy càr Thiểm Tây, Bí thư Thành ủy ƀòn dờng Diên An đơs nền dơ̆ lòt còp bơh Chủ tịch Quốc hội dê là tŭ tơngai niam is ồn nàng sơlơ tơnguh rlau tai tìp mat lơh kwèng đah ală tiah lơgar Việt Nam mờ ƀòn dờng Diên An dê.

Jờng rơ ală cồng nha lơh geh bơtàu tơnguh bơh ƀòn dờng Diên An dê kung bè bơta lơh ngan bơh ƀòn dờng dê tàm broă prap gàr ală “tiah tềl kah yau”, ồng Trần Thanh Mẫn- Chủ tịch Quốc hội gờm chờ ƀòn dờng Diên An pơn jat tai bơtàu tơnguh mờ sồr Diên An bal mờ ală tiah lơgar Việt Nam dê sơlơ tơnguh tai tàm tơrbŏ bal, sơlơ tơnguh rlau tai tìp mat lơh kwèng làng bol; sơlơ tơnguh tai lơh broă bal lòt nhơl, ngan là “tiah tềl kah yau” jat tềl jơng ală cau kăc màng lòt lài 2 lơgar dê; lơh broă bal prap gàr mờ ngui niam ală phan lời wơl kah yau, niam chài, sơlơ tơnguh tai tìp mat lơh kwèng làng bol.