Ồng Lê Minh Hưng, Thủ tướng Chính phủ bal mờ uă oh mi đơng lam, đơng lam Đảng, Dà lơgar lài do tus bal dơ̆ bơyai lơh. Tơnơ̆ Dơ̆ còp ies, Dơ̆ kah pơlai, ồng Lê Minh Hưng, Thủ tướng Chính phủ, ală oh mi đơng lam, đơng lam Đảng, Dà lơgar lài do neh jơh nùs ki ngàm ngan jun ƀồc ntìng 731 nă cau chơ̆t màng rê tus anih tơ̆p jơh rài kis tàm Ƀlàng tơ̆p ƀồc Cau chơ̆t màng ƀòn dờng Hồ Chí Minh, sơnah ƀòn Long Bình.

Bơh Sươn bal Lê Thị Riêng tus Ƀlàng tơ̆p ƀồc Cau chơ̆t màng ƀòn dờng Hồ Chí Minh, 731 nă cau chơ̆t màng neh rê tàm goàng tê làng bol ƀòn dờng dê. Ală bi ùr, bi klau tŭ do rlô bĭc kềng cau dùl mpồl bal. Gùng lòt sền swì gĭt nền loh măt sơnđan sơnam deh, ƀòn tờm, jòi cau pròc mhàm ală cau chơ̆t màng dê kung gam geh pơn jăt tai bơh broă prăp lời mẫu ADN, kờp sền wơl anih mờ yal mờ ală hìu bơnhă gam ơm kơ̆p.