Ồng Trần Thanh Mẫn, Chủ tịch Quốc hội wă Bí thư Tỉnh ủy càr Thiểm Tây, lơgar Lo
Thứ tư, 13:32, 14/10/2026
Cau mblàng mờ sền: Lơ Mu K’Yến/ VOV1
Cau mblàng mờ sền: Lơ Mu K’Yến/ VOV1
VOV.K'Ho- Ngai 13/10, tàm ƀòn dờng Tây An, càr Thiểm Tây, lơgar Lo, ồng Trần Thanh Mẫn, Chủ tịch Quốc hội lơgar Việt Nam neh wă ồng Triệu Nhất Đức, Kwang bàng Đảng Dà lơgar, Bí thư Tỉnh ủy càr Thiểm Tây.
Đơs niam ngan jơnau tơl pràn, rơ̆ ru broă lơh broă bal đah 2 gah, ồng Trần Thanh Mẫn, Chủ tịch Quốc hội sồr càr Thiểm Tây mờ ală ƀòn lơgar Việt Nam dê pơn jăt tai lơh pràn lơh broă bal bè jak chài – măy mŏk, năng lượng, broă lơh sa sươn sre măy mŏk pa, phan bơna bơ̆t bơtàu gùng lòt, logistic, ngan là bè gùng rơndeh ồs, lơh pràn lơh broă bal bơto cau lơh broă jak, niam chài, lòt nhơl.
Ồng Trần Thanh Mẫn, Chủ tịch Quốc hội sồr bàr ƀòn lơgar mhar ring bal ală tơngume lơh broă bal, lơh pràn bơcri priă đah 2 ƀòn lơgar, gơgơs lơh broă bal pơnrơ ngan đah ală ƀòn lơgar bàr lơgar dê.
Viết bình luận