Ồng Nguyễn Thanh Nghị tìp cau tĕ khà tàm tiah đah măt tơngai lik càr Dăk Lăk
Thứ tư, 13:00, 14/10/2026
Cau mblàng Ndong Brawl/VOV Tây Nguyên
Cau mblàng Ndong Brawl/VOV Tây Nguyên
VOV.K'Ho- Pơn jăt tai broă tìp mờ cau tĕ khà lài mờ Pơrjum dơ̆ bàr, Quốc hội khoă XVI, ngai òr (13/10), tàm sơnah ƀòn Sông cầu, ồng Nguyễn Thanh Nghị, Lam bồ Mpồl gùng dà broă lơh, broă lơh Kwơ màng Dà lơgar bal mờ Mpồl cau ala măt Quốc hội càr Dăk Lăk tìp mờ cau tĕ khà tàm ală sơnah ƀòn Sông Cầu, Xuân Đài mờ sàh Xuân Thọ, càr Dăk Lăk.
Tàm pơrjum, cau tĕ khà tàm ală sơnah ƀòn Sông Cầu, Xuân Đài mờ sàh Xuân Thọ dan càr Dăk Lăk gờñ bơsong gơkòl tàm ală rơndăp broă lơh jŏ jòng, bơcri priă lơh phan bơna sơndră mờ tơrlah ù jăt gah dà lềng, bơsong bơta gam gơlời tàm rơndăp broă lơh tiah drà Sông Cầu mờ rơndăp ù tiah lơh tiah lơh bràs drơng tàm broă bơ̆t bơtàu tơn tàm tiah do in.
Jơnau đơs pơn dŭt pơrjum tìp mờ cau tĕ khà, ồng Nguyễn Thanh Nghị dờp ală jơnau bơh cau tĕ khà, sồr gơnoar atbồ bal mờ anih lơh broă geh gơnoar càr Dăk Lăk tam cah is, bơsong jơh ală broă gơwèt gơnăp gơnoar. Mờ đơs nền nàng ngui bơta geh, bơta pràn, càr Dăk Lăk pal mhar lơh gơs rơndăp ù tiah tàm kấp sàh, sơnah ƀòn, ai geh tơngu me nàng lơh ală kơnòl bơtàu tơnguh lơh sa mpồl bơtiàn.
Viết bình luận