Sền swì kờp dŭ Dà lơgar kĭ jơnau pal jăt pơgồp bal mờ Gia Lai, Khánh Hoà mờ Dăk Lăk
Thứ năm, 06:00, 15/10/2026
Cau mblàng mờ sền: Lơ Mu K’Yến/ VOV Tây Nguyên
Cau mblàng mờ sền: Lơ Mu K’Yến/ VOV Tây Nguyên
VOV.K'Ho- Tàm sơnah ƀòn Quy Nhơn, Sền swì kờp dŭ (kiểm toán) Dà lơgar mờ Mpồl Lơh kơnòl broă sùm Tỉnh ủy, Duh broă sùm Mpồl duh broă Làng bol, Anih duh broă Làng bol ală càr: Gia Lai, Khánh Hoà, Dăk Lăk bơyai lơh Pơrjum sền wơl broă lơh jăt jơnau pal jăt pơgồp bal lơh broă tơngai bơh nam 2023- 2026 mờ kĭ hơ jơnau pal jăt ai tơngai pơn jăt tai in.
Broă lơh pơgồp bal bơh Sền swì kờp dŭ Dà lơgar dê mờ ală càr ngai sơlơ gơlòt mŭt ngan ngồn. Cồng nha sền swì drơng Mpồl duh broă Làng bol jăt sền, lùp sền, sền swì kĭ tơn jơh sền swì kờp dŭ mờ lơh nền ală broă bè rơcăng lài kờp dŭ, tam pà kes priă. Tus jơh nhai 9 nam do, khà lơh jăt jơnau sồr bơh sền swì kờp dŭ tàm ù tiah Sền swì kờp dŭ Dà lơgar kơnhoàl ù tiah VIII dê lơh geh rlau 94%.
Sồr lơh tàm pơrjum, ồng Nguyễn Hữu Nghĩa, Đơng lam dờng ngan Sền swì kờp dŭ Dà lơgar sồr Sền swì kờp dŭ dà lơgar kơnhoàl ù tiah VIII jăt nền bơta krơi is tơl ƀòn lơgar dê, săc rwah tơngume sền swì kờp dŭ tờm ngan, ờ huan rơndăp rơndồl mờ sồr ngan lơh jăt jơnau sồr.
Viết bình luận