VOV.K'Ho- Củ tịc Quôk hội ồng Trần Thanh Mẫn bal mờ Mpồl cau ala mat Quôk hội ƀòn dờng Hồ Chí Minh (mpồl tĕ khà sồ 12) tìp mat cau tĕ khà.

VOV.K’Ho- Mpồl lơh kơnòl broă sùm Tỉñ ủy càr Dăk Lăk bơyai lơh pơrjum mìng dùl tơngume bè tơnguh bơta niam mpồl kwang bàng ƀòn lơgar, bơta niam pơrjum ci ƀộ pơgồp bal mờ tơnguh đảng viên nam 2026.

VOV.K'Ho- ổng Ƀí thư, Củ tịc lơgar ồng Tô Lâm bal mờ ală Cau ala măt Quốk hội mpồl tĕ khà sồ 01 Ƀòn dờng Hà Nội geh dơ̆ tìp mờ gal cau tĕ khà tàm 10 sơnah ƀòn tàm Hà Nội.

VOV.K’Ho- Tòm 80 nam kờp bơh ngai Củ tịc Hồ Chí Minh pơyoa sră tus Pơrjum dờng ală jơi bơtiàn dồ ết nă cau tiah đah Jum dà lơgar bơyai lơh tàm Pleiku (nhai 4/1946), bồ tơngoh “tam klăc dờng jơi bơtiàn” kung gam bè ờs bơta kwơ. Ờ mìng là jơnau hòi jà tơrgùm tàm rài tam lơh lơm, jơnau hơ̆ neh gơ gơs bơnàng jă nùs nhơm, tề lam Tây Nguyên, tàm hơ̆ geh càr Gia Lai, sơr lèt gan kal ke, bơtàu tơnguh mờ cơnđòa kơ̆ kơl jăp mut tàm rài pa.

VOV.K’Ho- Drim òr (03/05), Thủ tướng lơgar Ñờk mò Takaichi Sanae tơn jơh niam bơnĕ dơ̆ lòt còp ngan ngồn lơgar Việt Nam bơh ngai 01 tus ngai 03 nhai 5 jat jơnau jà bơh Thủ tướng Cíñ phủ lơgar Kộng hòa sàh hội củ nghĩa Việt Nam ồng Lê Minh Hưng.

VOV.K’Ho- Anih duh broă Làng bol càr Dăk Lăk pơrjum sền nền wơl broă lơh rơcang Pơrjum hòi jà bơcri priă nam2026 pơgồp bal mờ yal tam gơl Rơndap ù tiah càr, tơngai bơh nam 2021 tus nam 2030, broă rơndap lơh nam 2050. Càr Dăk Lăk wèt tus jơnau kờñ ngan ngồn, ai lài sơn đờm lam lơh, kĭ ală rơndap broă lơh dờng.

VOV.K'Ho- Tơnơ̆ mờ tŭ Quốk hội ai lơh jăt kơrnoăt boh lam, gùng dà broă lơh pa, tă bơsong ală kal ke, gơkòl ai rơndăp broă lơh đèng hạt ñân Ninh Thuận, càr Khánh Hoà gam jal mhar ngui tàm mùl màl nàng lơh mhar broă tơm ntrờn, dong kờl mờ lơh ƀòn ơm kis pa, tơm ntrờn ù tiah lơh rơndăp broă in.

VOV.K’Ho- Tàm dơ̆ tơngkah kir sơnrai 51 nam Ngai tơngklàs tiah đah Jum, tơrgùm dùl Dà lơgar, Anih lơh broă Đơng lam Ling klàng Ling tiah 5 bơyai lơh Dơ̆ dờp rò Sră jờng rơ dờng màng Cau khin cha jak chài Mpồl ling phàu crong Làng bol. Tàm bềng lìu bơta bòl glar kal ke, mờ nùs nhơm “Phi să nàng ai Lơgar tờm in kis”, mpồl phàu crong Ling tiah 5 sùm khin cha sền gàr ù tiah, sền gàr làng bol, bal mờ gùt ling klàng, gùt làng bol tam lơh dră wơl mờ bol sò tơm. Tàm pơrdờn nùs nhơm dờng màng Ntào tam lơh phàu crong Ba Tơ nam yau, ală kwang bàng, cau ling ờ rơngòt bơta sơbơng roh, gan trồ mìu, sơrlèt càl rơbŭt, dong làng bol rcang drơng, bơsong jơnau gơ lời wơl tài bơh trồ tiah lơh aniai, kòp aniai bơt bơtàu rài kis lơngăp lơngai.

VOV.K'Ho- Gùt càr Dăk Lăk tŭ do geh mờr 62 rơbô nă cau tàm mpồl cau ala măt cau lơh broă (gam geh hòi là kông đoàn). Tàm ală nam do, broă tàm pơrlòng lơh sa geh lơh nền nòn tàm uă tiah, gơhòi gơjà broă dờp bal uă bơh đoàn viên, vơh tŭ hơ̆ geh git nđờ rơbô jơnau bơceh lơh, lơh niam wơl bơta jăk chài neh ngui tàm mùl màl, pơgồp bal tàm broă tơnguh uă cồng nha lơh sa, kă bro.

VOV.K’Ho- Tàm ƀòn dờng Hồ Chí Minh, di dơ̆ tơnkah 51 nam Ngai tơnklàs tiah đah jum, tơrgùm dùl dà lơgar mờ Ngai ală lơgar lơh broă (01/5), Tổng Ƀí thư, Củ tịc lơgar ồng Tô Lâm tus bal mờ đơng lam dơ̆ tìp mat 200 nă cau lơh phan, cau lơh broă nàng kờñ iat bơta kơp kờñ bơh ală cau lơh phan tàm ƀòn dờng dê.