Đơng lam bàr đah đơs nền tai jơnau hơ pơn jăt tai lơh nền nòn rơlao bơta git gơ̆p Tam klăc lơh broă bal jŏ jòng tơl làm, tàm hơ̆ geh broă lơh pràn bơcri priă tàm broă bơceh lơh Mpồng mŭt gùt plai ù (Global Gateway) mờ Gĭt gơ̆p tam klăc bal tam gơl năng lượng ndrờm bal (JETP); đơs sùm bơta kwơ màng bơh broă lam lơh jăt wil tơl Jơnau hơ bal Kă bro phan khăt gơboh đah lơgar Việt Nam mờ EU (EVFTA) mờ gờñ kĭ Jơnau hơ bal Sền gàr dong kờl bơcri priă đah lơgar Việt Nam mờ EU (EVIPA).

Bàr đah kung ring bal lơh ngan wèt tus bơtàu tơnguh lơh broă bal bè lơh phan gam bè ờs geh geh kwơ; pơn jăt tai tơnguh lơh broă bal tàm ală gah broă măi mok mờ tam gơl pa bơceh lơh, bơto bơtê mờ bơsram, tam gơl tơlir, phan bơna kwơ màng, lơh sa gơlòt bal mờ lơh sa dà lềng tơlir. Bàr gah đơs tai jơnau hơ lơh pràn mờ sền gàr gơnoar kòn bơnus. Bàr gah đơs nền bơta kwơ màng mờ geh cồng nha bơh nùs nhơm uă gah mờ bơta niam ală lơgar geh ai bơh tàm adăt boh lam. Ồng António Costa, Chủ tịch Mpồl duh broă Châu Âu mờ mò Ursula von der Leyen, Chủ tịch Anih duh broă Châu Âu đơs niam gơnoar geh nùs nhơm bơ̆t bơtàu bơh lơgar Việt Nam dê tàm mpồl ASEAN. Kwang đơng lam bàr đah tơlik nùs nhơm kơ̆p kờñ Pơrjum kấp dờng tơnkah 50 nam crơng gơs git gơ̆p đah mpồl ASEAN mờ EU tàm nam 2027.