Chủ tịch Quốc hội pà git, tơnơ̆ rlau 1 nam lơh jat Adat Ù tiah nam 2024, bàr pe bơta gơ kòl bè rơndap ù tiah, lơh nền giă, ai wơl, jàu mờ ai ơpah ù neh gơ mpờl gŏ, ngan là tàm tŭ tơngai lam lơh gơnoar atbồ ƀòn lơgar bàr kâp. Broă tam gơl adat kờñ pal wèt tus bơt bơtàu adat bal, cih ală jơnau pal jat kuơmàng, mờ kung geh gùng dà ngac ngar, ndrờm bal mờ tam gơl wơl sră pơ àr gơnoar atbồ, tam gơl sồ mờ ală adat geh gơ rềng.

Bè giă ù, Chủ tịch Quốc hội sồr lơh loh broă ngui ƀàng cih giă ù mờ sồ tam gơl tàm broă tơm wơl, kờp priă ngui ù, priă ơpah ù; gàr giă di mờ giă drà kă bro mơya ờ gŏ di lơh jơnau pal jat drà kă bro, pleh bơta “giă gơ ting giă”, lơh priă tă gơguh nisơna mờ rơndap broă lơh gơtìp lơyài.