Jăt broă rơndăp lơh, sơnah ƀòn An Nhơn Tây geh bă ù geh is ơnàng rlau 75 km², sơnah ƀòn Chư Sê ơnàng pơgăp 125 km², sơnah ƀòn Phù Mỹ geh bă ù ơnàng mờr 55 km², sơnah ƀòn Tây Sơn ơnàng mờr 100 km², mờ sơnah ƀòn Tuy Phước ơnàng pơgăp 53 km². Lài hơ̆, cồng nha lùp jơnau đơs pà gŏ, làng bol tàm ală ƀòn lơgar dùl nùs ring bal uă mờ ală jơnau neh lơh nền tơnggơs sơnah ƀòn, tơnggŏ bơta dòn kơnờm mờ kơ̆p gơn tàm pơlam gùng bơtàu tơngguh ƀòn lơgar.

Tơnơ̆ rơndăp tăp sèng mpồl lơh broă sră pơ àr gơnoar ătbồ, càr Gia Lai geh kờp jơh 135 mpồl lơh broă sră pơ àr gơnoar ătbồ kâp sàh, geh sàh mờ sơnah ƀòn. Jăt tŭ tơngai, tus nam 2028, Gia Lai rơ̆p geh sră nggal ală jơnau neh lơh nền tơnggơs sơnah ƀòn gơ wèt mờ 8 sàh geh An Lương, Cát Tiến, Đak Đoa, Đức Cơ, Ia Grai, Phù Cát, Tuy Phước Đông mờ Bình Khê. Tus nam 2030, Gia Lai digơlan pơn jăt tai geh sră nggal ală jơnau neh lơh nền tơnggơs sơnah ƀòn gơ wèt mờ 3 sàh:  Đề Gi, Chư Prông mờ Bình Dương.