Pơrjum geh bơyai lơh tơn, pơgồp bal mờ pờ tơlik tàm internet tus 124 sàh, sơnah ƀòn, tiah is ồn. Càr Lâm Đồng tŭ do geh rơlao 621 rơbô nă ơruh pơnu, tàm hơ̆ geh rơlao 108 rơbô nă ơruh pơnu jơi bơtiàn ờ gal cau.

Tàm dơ̆ cri bơyai, 20 jơnau lùp, jơnau dan bơh kwang bàng Đoàn, đoàn viên, ơruh pơnu tơrgùm tàm ală broă mùl màl, bè dong kờl priă sơn đờm mŭt lơh broă, tơrbŏ bal drà kă bro, jăt jăt phan kă bro bơh ală bơta jơnau kơlôi sơnơng jăk chài, gùng dà bơto broă lơh, ai broă lơh, hòi jà cau lơh broă kơnòm să bal mờ broă dong kờl hìu ơm mpồl bơtiàn. Ala măt ală sờh, gah lơh broă tàm càr neh hơ, lơh loh uă tơngu me ơruh pơnu sền gròi. Cri bơyai mờ ơruh pơnu, ồng Hồ Văn Mười, Chủ tịch Anih duh broă Làng bol càr Lâm Đồng sồr ơruh pơnu rơcang lài git dơ̆ niam, tơnguh bơta pràn, bơta kwơ càr dê, khin sơn đờm mŭt lơh broă bơh ală broă lơh gơdờp bal mờ bơta geh tàm mùl màl dê.