Jăt jơnau yal, gơguh lơh sa 9 nhai nam 2026 càr Quảng Trị dê geh rơlao 8,4%, tă kes priă mờr 9 rơbô 200 tơmàn đong. Đơs pơn dŭt dơ̆ lơh broă, ồng Lê Tiến Châu, Phó Thủ tướng Chính phủ ai tơngŏ pe bơta kel ke dờng, tàm hơ̆ geh gơguh lơh sa ờ hềt tơl jăt jơnau geh ai, bơta pràn bơtàu tơnguh gam gơrềng tàm ờ uă rơndăp broă lơh năng lượng dờng mờ broă ai priă bơcri dà lơgar gam lơyài.

Phó Thủ tướng sồr càr tơrgùm lơh 8 kơnòl tờm, tàm hơ̆ sền broă ai priă bơcri dà lơgar là kơnòl chính trị; bơsong gơkòl ală rơndăp broă lơh gam gơlời; tơnguh bơta pràn năng lượng, anih ơhò dà lềng ơm, mpồng nhàr lơgar mờ jăt gah lơh sa đah măt tơngai Lik mờ đah măt tơngai Mŭt; gờñ lơh gơs rơndăp broă Tiah lơh sa kă bro phan gan nhàr lơgar Lao Bảo - Densavan mờ bơtàu tơnguh tiah is ồn Cồn Cỏ. Mờ càr pal tơnguh uă bơta niam bơto bơtê mờ bơsram tơnơ̆ mờ rơndăp tăp sèng mpồl hìu bơsram.

-Anih lơh broă