Tàm pơrjum, ală cau ala mat tơrgùm iăt jơnau yal dồ ết, cribơyai mờ tă pơgồp jơnau đơs tàm ală tơngume dờng, geh: Jơnau yal cồng nha lơh broă đah 2 dơ̆ pơrjum; Jơnau yal bơta lam lơh jat 02 Ală jơnau neh lơh nền (Tơn jơh 100 nam Đảng đơng lam kăc màng Việt Nam tơngai bơh nam 1930 - 2030, pơlam gùng dà đơng lam bơtàu tơnguh dà lơgar tàm 100 nam pơn jat tai bơh nam 2030 tus nam 2130, mờ Tơn jơh 40 nam lơh jat broă lơh Cương lĩnh bơt bơtàu dà lơgar tàm tơngai lòt guh chủ nghĩa xã hội); Jơnau yal bơto pơlam bè mpồl bơtàu tơnguh Việt Nam; Broă rơndăp lơh bơyai lơh Pơrjum broă lơh jơnau tàm sră pơ àr gùt lơgar dơ̆ 1 mờ Ală jơnau neh lơh nền bơt bơtàu mờ bơtàu tơnguh broă lơh kơlôi sơnơng jak chài jơnau tàm sră pơ àr chính trị gùt lơgar tàm rài pa.

Pơrjum đơs sùm, Ală jơnau neh lơh nền tơn jơh là kơnòl broă chính trị, jak chài is ồn geh gơtha jŏ jòng, sồr pal geh lam lơh ring bal, di mờ tŭ tơngai, gàr niam cồng nha niam, lơh ală bơta jơnau tàm sră pơ àr mờ bơta geh ngan ai broă lơh bơtơl, bơtàu tơnguh gùng dà broă lơh bơh Đảng dê.