Jăt jơnau yal, gơguh tai lơh sa 9 nhai nam 2026 bơh càr dê geh 8,22%, ờ hềt lơh geh bè broă rơndăp lơh dê jàu. Tàm qúy IV, gah bơ̆t bơtàu pal gơguh tai 70,27%, lơh sa mờ măy mŏk gơguh 25,24% nàng bơsir wơl bơnah siơ̆u ờ hềt tơl.

Càr jàu ồng Trương Công Thái, Phó Chủ tịch Anih duh broă Làng bol càr kong kơnòl bè jơnau kờñ priă bơcri jơh gùt mpồl bơtiàn 34 rbô 586 tơmàn đong, rề dia 7 rbô 254 tơmàn đong; ồng Đào Mỹ, Phó Chủ tịch Anih duh broă Làng bol càr drơng kơnòl ală broă jàu lơh sa mờ măy mŏk, tăc mờ lơgar ndai geh 765 tơlak dolar Mỹ mờ wă 1 tơlak 660 rbô nă năc lòt nhơl. Gơ wèt mờ kâp sàh, sơnah ƀòn, KPI tơrgùm tàm rề, tă kes priă, ai priă bơcri mờ cồng nha bơtàu tơngguh lơh sa ngan ngồn. Ồng Đỗ Hữu Huy, Chủ tịch Anih duh broă Làng bol càr sồr kờp geh tơl broă jàu, gĭt nền loh làng cau drơng kơnòl, kơnòl broă, phan bơna mờ tơngai pơrgon lơh gơs, mơkung cih yal tơngai lơh pah nhai nàng di tŭ tă bơsong kal ke.