VOV.K’Ho- Tàm anih tờm pơrjum càr Gia Lai, sơnah ƀòn Quy Nhơn, Ƀộ Bơt bơtàu pơgồp bal mờ anih duh broă làng bol càr Gia Lai bơyai lơh pơrjum cribơyai “Phan bơna lơh bal - Bơta gơn kơnờm gơ hòi gơ jà bơcri priă, bơtàu tơnguh lòt nhơl tiah tàm gùl lơgar - Tây Nguyên”.

VOV.K’Ho- Ai jơnau đơs tàm jơnum tàm drim ngai 19/8 bè pơlam gùng bơt bơtàu rơndap lơh adat Kes priă dà lơgar (tơrgùm dùl), ồng Trần Thanh Mẫn, Chủ tịch Quốc hội đơs sùm, jơnau rơcang cih adat dơ̆ do pal geh ală tam gơl pa pràn nàng dà lơgar bơtàu tơnguh, is ồn là 2 ƀòn dờng Hồ Chí Minh mờ Hà Nội.

VOV.K’Ho- Ngai òr (19/08), Anih duh broă Làng bol càr Gia Lai bơyai lơh sơn đờm lam lơh rơndap broă lơh dềt sồ 2 gơ wèt rơndap broă lơh bơcri priă lơh gùng ù gờl rơndeh lòt mhar Quy Nhơn - Pleiku.

VOV.K’Ho- Drim òr (19/08), tàm Hìu lơh broă Chính phủ, ồng Lê Tiến Châu -Phó Thủ tướng đơng lam bè ală bơta lam lơh jat kờp wơl jơh ală sră nggal geh gơrềng tus adat boh lam ờ gơ ơm wơl tàm ală khà sồ kal ke lơm mờ pal was mờ broălơh bơsong ngan ngồn, tă bơsong ngan ngồn ală tiah gơ kòl kơrnoat boh lam.

VOV.K’Ho- Tơnơ̆ mờr 8 dar livestream tăc phan tàm Dơ̆ lơh chờ Sầu riêng Dăk Lăk nam 2026, cau tam sầu riêng neh tăc bro rlau 28 tấn, mờ mờr 6 rơbô sră blơi phan, kờp jơh priă lơh geh mờr 3 tơmàn đong.

VOV.K’Ho- Mho òr (18/08), tàm Hìu lơh broă Chính phủ, ồng Lê Minh Hưng, Thủ tướng Chính phủ đơng lam Dar pơrjum mìng dùl tơngume bơt bơtàu adat boh lam nhai 8 nam 2026 ai jơnau đơs tàm 11 rơndap lơh adat boh lam mờ 1 jơnau lơh nền tàm pơrjum yal Quốc hội in tàm Dơ̆ pơrjum dơ̆ Bàr.

VOV.K'Ho- Drim òr (18/08), Mpồl cau ùr càr Dăk Lăk bơyai lơh tơn jơh, jào khà Dơ̆ pơrlòng pờ tơlik tàm internet jòi sền nàng git wă Jơnau lơh nền tàm Pơrjum dờng Đảng bộ càr, Jơnau lơh nền tàm Pơrjum dờng cau ala măt Mặt trận Dà lơgar Việt Nam càr mờ Jơnau lơh nền tàm Pơrjum dờng cau ala măt Cau ùr ală kấp, tơngai bơh nam 2025 tus 2030.

VOV.K'Ho- Di tơnkah 81 Nam Kăc màng nhai Phàm mờ Sơn tờm dà lơgar ngai 02 nhai 9, mho òr (18/08), tàm Trung đoàn bộ binh cơ giới 102, sàh Phú Cát, Hà Nội, ồng Tô Lâm, Tổng Bí thư, Chủ tịch lơgar, Bí thư Quân ủy Dà lơgar bal mờ mpồl lơh broă bơh Dà lơgar neh tus còp mờ lơh broă mờ Sư đoàn bộ binh cơ giới 308, Ling mpồl 12, Bộ Ling klàng dê.

VOV.K’Ho- Ngai 19/8/2026, jơnau đơs dà kòn cau M’nông ngan ngồn pờ tơlik tàm Anih jơnau đơs Việt Nam tiah Tây Nguyên. 20 nam do, jơnau đơs dà kòn cau M’nông ờ mìng pơgồp bơnah yal jơnau tơnggit, mblàng yal gùng dà, broă lơh Đảng dê, adat boh lam Dà lơgar dê; yal wơl bơta kơp kờñ làng bol kòn cau M’nông tàm làm gùt ală ƀòn dê, mờ gam pơgồp bơnah sền gàr mờ lơh gơ rề jơnau đơs dà kòn cau tus mpồl bơtiàn.

VOV.K'Ho- Drim òr (18/08), tàm Hà Nội, Bộ Chính trị, Mpồl đơng lam Đảng dà lơgar bơyai lơh Pơrjum tìp măt ală kwang bàng tàm Bộ Chính trị, Kwang bàng tàm Mpồl đơgn lam Đảng Dà lơgar ală rài mờ Kwang bàng đơng lam Đảng Dà lơgar khoă XIII ờ tơlik măt pồ tĕ khà khoă XIV, di tơnkah 81 nam Kăc màng Nhai phàm mờ Sơn tờm Dà lơgar ngai 02 nhai 9.