VOV.K’Ho- Drim òr (18/08), tàm Kwang atbồ anih lơh broă ala mat lơgar Lo tàm lơgar Việt Nam, ồng Lê Minh Hưng, Thủ tướng Chính phủ lam bồ Mpồl kwang bàng ala mat Đảng, Dà lơgar, Mặt trận dà lơgar Việt Nam tus ies mờ cih tàm sră ƀồc ồng Chu Dung Cơ, lài do là Kwang bàng Lơh kơnòl broă sùm Bộ Chính trị Đảng Cộng sản lơgar Lo, Thủ tướng Chính phủ lơgar Cộng hòa Nhân dân Lo pa sang rài.

VOV.K’Ho- Càr Dăk Lăk pa bơyai lơh dơ̆ jờng rơ, pà khà jờng ai kơnòm bơsram, cau pơgru lơh geh cồng nha jak ngan tàm ală dơ̆ pơrlòng kấp dà lơgar, ală lơgar nam bơsram 2025-2026.

VOV.K’Ho- Di tơnkah 81 nam Ngai Bơhiàn Mpồl kwang àng làng bol mờ 21 nam Ngai chờ jơh gùt làng bol sền gàr lơngăp lơngai dà lơgar tờm, mho òr (17/08), tàm càr Bắc Ninh, Ồng Tô Lâm, Tổng Bí thư, Chủ tịch lơgar bal mờ mpồl lơh broă Dà lơgar lòt còp mờ lơh broă tàm Hìu bơsram kơlôi sơnơng Bơta chài măi mok mờ Măi mok sền gàr lơngăp lơngai.

VOV.K'Ho- Rơndap broă lơh gùng kềng gah dà lềng càr Dăk Lăk jòng rlau 25 kơi sồ, kờp jơh priă bơcri priă mờr 3 rbô 800 tơmàn đong, kờñ pal ai wơl mờr 125 lồ ù bơh rlau 1 rbô 500 hìu bơnhă làng bol dê.

VOV.K'Ho- Pơn jăt tai dar pơrjum dơ̆ 5, ngai òr (17/8), Anih duh broă Lơh kơnòl broă sùm Quốc hội pơgồp jơnau đơs bè broă mblàng yal, iăt, lơh niam wơl jơnau rơcang cih Adăt boh lam tam gơl, bơtơl ờ uă bơta tàm Adăt Anih priă jền Dà lơgar Việt Nam, Adăt rơcang kơrian pồn priă ờ di mờ adăt boh lam gơs priă di mờ adăt boh lam mờ Adăt Ală mpồl lơh broă ai càn priă.

VOV.K’Ho- Drim òr (17/08), tàm Hà Nội, Mpồl rơndăp broă dà lơgar pơgồp bal mờ Hìu bơsram kơlôi sơnơng chính trị dà lơgar Hồ Chí Minh bơyai lơh sơnđờm mut ơdŭ bơsram bơto bơtê, sền gĭt jơnau bơsram gơwèt mờ Kwang bàng Mpồl duh broă dà lơgar khoă XIV (ơdŭ dơ̆ 1).

VOV.K’Ho- Anih cribơyai Lam lơh lòt nhơl ală lơgar nam 2026 geh bơyai lơh tàm càr Gia Lai, tơrgùm jòi broă lơh rề ơnàng drà, bơtàu tơnguh phan lơh gơs mờ sơlơ tơnguh bơta lơh bal nàng gơ hòi gơ jà nac ală lơgar.

VOV.K’Ho- Drim òr (17/08), tàm Hìu lơh broă Chính phủ mò Phạm Thị Thanh Trà, Phó Thủ tướng, Chủ tịch Anih duh broă dà lơgar bè cau dờng sơnam Việt Nam, đơng lam pơrjum sền wơl broă lơh 7 nhai do mờ lam lơh kơnòl broă tờm tàm tơngai tus.

VOV.K’Ho- Tàm tơngume dơ̆ lơh chờ Sầu riêng Dăk Lăk nam 2026, Anih duh broă Làng bol càr Dăk Lăk mờ Anih duh broă Gơnoar atbồ càr Champasak (lơgar Cộng hòa Dân chủ Nhân dân Lào) kĭ Jơnau ring bal lơh broă bal tơngai bơh nam 2026-2030, pơn jat tai lơh ngan ngồn bơta gĭt gơ̆p lơh bơyô bal, tam klăc bal is ồn mờ lơh broă bal tơl làm đah 2 tiah dê.

VOV.K’Ho- Nàng lơh jat ngan ngồn jơnau kờñ gơguh tai lơh sa 2 nơm khà tàm nam 2026, càr Dăk Lăk gam tơrgùm tă bơsong 2 bơta gơ kòl dờng ngan rlau jơh là ai mat ù mờ ai priă bơcri dà lơgar. Bơh broă lơh dờng 45 ngai mang ai mat ù tus broă lơh kràñ lơh ngan broă ai priă, tàm trờn priă lik bơh ală rơndăp broă lơh lơyài tŭ tơngai mut lơh, uă broă lơh kràñ cê jơh nùs gam lơh geh bơta tam gơl loh làng tàm ală broă lơh bơt bơtàu tờm.