Đơs tàm dơ̆ tìp măt, ồng Trần Thanh Mẫn, Chủ tịch Quốc hội cih dờp, jờng rơ ală tă pơgồp jơh nùs bơh ală ùr cau ala măt Quốc hội dê mờ ùr kwang bàng dê tàm broă lơh adăt boh lam, jăt sền mờ lơh nền ală broă kwơmàng bơh dà lơgar dê. Quốc hội khoă XVI geh 150 nă ùr cau ala măt, geh tus pơgăp 30% tàm kờp jơh khà cau ala măt.

Chủ tịch Quốc hội sồr ală ùr cau ala măt pơn jăt tai ngui niam bồ tơngoh jak, bơta khin cha, nùs nhơm tam gơl pa; tơngguh uă bơta niam lùp sền, tă pơgồp jơnau đơs tàm ală rơndăp broă lơh adăt, ngan là ală jơnau lơh nền gơrềng tus lơngăp lơngai rài kis mpồl bơtiàn, bơto bơtê, lơh sơnơm, broă lơh, gơnoar kwơ cau ùr mờ kơnòm dềt. Mơkung pơn jăt tai là mpồl cau tàm tơrbŏ cau tĕ khà mờ anih pơrjum, yal wơl jơnau kơlôi sơnơng, bơta kơ̆p kờñ bơh làng bol dê, is ồn là cau ùr mờ làng bol jơi bơtiàn dồ êt nă cau.