Ồng Tô Lâm, Tổng Bí thư, Chủ tịch lơgar pà git, Việt Nam tơlik jơnau kờñ gơ gơs là lơgar geh priă jền lơh geh dimơ uă, lơh sa mờ măi mok pa tàm nam 2030 mờ gơ gơs là lơgar bơtàu tơnguh, priă lơh geh uă tàm nam 2045. Việt Nam git nền jak chài măi mok, tam gơl pa bơceh lơh, lơh sa bồ tơngoh jak mờ tam gơl tơlir là ală bơta gơn kơnờm kuơmàng; mờ kung ai kòn bơnus lơh tờm, gàr làng bol geh dờp lèng cồng nha bơtàu tơnguh ring bal, mùl màl.

Đơs niam bơta git gơp 55 nam do đah 2 lơgar, ồng Tô Lâm, Tổng Bí thư, Chủ tịch lơgar sồr bơt bơtàu tơngume lơh broă bal kuơmàng mờ tơl làm rlau, rề ơnàng lơh broă bal bè kă bro phan, bơcri priă, bơto bơsram, jak chài măi mok, năng lượng mờ tam gơl tơlir. Bàr gah kung kờñ pal sơlơ tàm cribơyai cau geh jơnau git wă rjô, bơto bơtê cau lơh broă geh bơta niam uă mờ chồl tơnguh tàm jàu măi mok. Bè bơtàu tơnguh kơnhăp jŏ, Việt Nam kơp kờñ bal mờ Đan Mạch sơlơ tìp mat tơm boh bơr, lơh broă bal sền gàr lơngăp lơngai, ờdo ờdă mờ khat gơboh gùng dà lềng dipal mờ adat boh lam ală lơgar, pơgồp bơnah bơt bơtàu dunia ring lơngai, ring bal mờ bơtàu tơnguh kơnhăp jŏ.