Mpồl duh broă Làng bol càr Dăk Lăk khoă XI pa ring bal Jơnau lơh nền tàm pơrjum cih broă dong kờl rwah lơh broă, dong kờl bơto bơtê, bơtàu tơngguh mpồl cau lơh broă tơngai bơh nam 2026 – 2031. Khà dong kờl bơh chờm uă ngan rlau jơh là 2 tơmàn đong gơ wèt mờ pơgru dờng geh rwah mŭt lơh broă tàm ƀòn lơgar. Broă dong kờl tơrgùm gơhòi gơ jà cau lơh broă geh broă lơh jak tàm 12 broă tờm kwơmàng, geh: broă lơh sa sươn sre ngui măy mŏk pa, măy mŏk lơh gơlik phan, năng lượng lơh gơlik wơl, logistics, lòt nhơl, bơto bơtê, priă jền, jak chài măy mŏk, tam gơl pa bơceh lơh mờ tam gơl sồ.

Gơ wèt mờ cau geh rwah lơh broă, dờp mŭt lơh kông cưk, viên cưk mờ hơ lơh broă êt ngan rlau jơh là 7 nam, khà dong kờl dùl dơ̆ bơh sơnrờp geh lơh nền bơh 500 tơlak gơ wèt mờ cau geh sră cơng tàng đại họk, 700 tơlak đong gơ wèt mờ thàk sìh, 1 tơmàn đong gơ wèt mờ tiến sìh, 1 tơmàn 500 tơlak đong gơ wèt mờ phó pơgru dờng mờ 2 tơmàn đong gơ wèt mờ pơgru dờng. Ồng Trương Ngọc Tuấn, Kwang Lam bồ Sờh Broă dơlam is càr Dăk Lăk pà gĭt broă dong kờl geh kơ̆p gơn pơgồp bơnah tơngguh uă bơta niam mpồl cau lơh broă, lơh geh jơnau sồr bơtàu tơngguh lơh sa – mpồl bơtiàn bơh càr Dăk Lăk dê tàm tŭ tơngai pa.