Ồng Trịnh Văn Quyết, Kwang bàng tàm Bộ Chính trị, Kwang Lam bồ Mpồl Mpồl yal Bơto bơtê Dà lơgar tus mờ geh jơnau đơs tàm pơrjum. Bơh nam 1946 tus nam 1965, Chủ tịch Hồ Chí Minh neh 11 dơ̆ tus còp mờ lơh broă mờ Đảng bộ, gơnoar atbồ, ling klàng mờ làng bol tàm ƀòn dờng.

Ală jơnau bơto bơh Wa Hồ dê neh gơs phan bơna nùs nhơm kwơ màng, ai geh gùng dà bơtàu tơnguh bơh ƀòn dờng Hải Phòng dê bơh ală rài. Jờng rơ ală cồng nha mờ ƀòn dờng Hải phòng neh lơh geh, ồng Trịnh Văn Quyết sồr ƀòn dờng Hải Phòng song dơ pă kơlôi sơnơng, tơrgùm bơsong ală tiah gơkờl bè tơm ntrờn ù tiah, cau lơh broă jăk mờ tam gơl broă lơh gơguh lơh sa. Ƀòn dờng Hải Phòng pal lơh jăk ală kơnòl broă tờm, tàm hơ̆ geh sùm geh khà gơguh lơh sa bàr sồ kơl jăp bơh nam 2026 mờ ală nam pơn jăt tai; tơnguh bơta pràn bơh kơrnoăt krơi is dê, lơh pràn gơguh lơh sa ai bơh bơta jăk chài măi mok, tam gơl pa bơceh lơh mờ tàm gơl sồ.