Cribơyai bè gĭt gơ̆p 2 gah, bàr nă kwang đơng lam sền gŏ sơrlèt rlau 55 nam lơh gĭt gơ̆p cribơyai broă mờ lơgar ndai, gĭt gơ̆p lơh gơ̆p bơyô mờ lơh broă bal đah Việt Nam mờ Đan Mạch ngai sơlơ jrô ơnàng làm uă, ngan ngồn; ală broă lơh broă bal ngai sơlơ rơ̆ ru, pơn jăt bal mờ ală ai lài bơtàu tơngguh bơh bàr lơgar dê.

Bàr nă kwang đơng lam dùl nùs ring bal Jơnau yal bơr bal tơngguh kâp gĭt gơ̆p Việt Nam mờ Đan Mạch gơguh tus Cau lơh broă bal jŏ jòng tơl làm, pờ gơlik tăp pa tàm gĭt gơ̆p 2 gah, lơh gơlik tơngume chính trị mờ pràn gơn kơnờm pa chồl tơngguh lơh broă bal jrô ơnàng, ngan ngồn  mờ geh cồng nha, tài bơta kwơ jŏ jòng bơh làng bol bàr lơgar dê. Bè lơh broă bal uă gah, bàr nă kwang đơng lam tam pà jơnau đơs bè ală broă ală lơgar mờ kơnhoàl ù tiah do; dùl nùs bal sơlơ pơgồp bal tai, tàm dong kờl bal mờ gơ̆p tàm Liên hợp quốc mờ ală anih cribơyai uă gah, yờ tơngguh nùs nhơm uă gah mờ ki ngàm adăt boh lam ală lơgar; chồl tơngguh gĭt gơ̆p Asean mờ EU bơtàu tơngguh ngan ngồn, geh cồng nha.