Dăk Lăk bơcri 1 rbô 730 tơmàn đong lơh gùng tơrbŏ gùng rơndeh lòt mhar mờ tiah drà Buôn Ma Thuột
Thứ sáu, 06:00, 16/10/2026
Cau mblàng: K’Duẩn/ VOV Tây Nguyên
Cau mblàng: K’Duẩn/ VOV Tây Nguyên
VOV.K’Ho - Anih duh broă Làng bol càr Dăk Lăk neh ring bal jơnau lơh nền bơcri priă lơh rơndap broă lơh bơt bơtàu gùng tơrbŏ anih dut ndơl gùng rơndeh lòt mhar Khánh Hòa - Buôn Ma Thuột mờ gùng Võ Nguyên Giáp, pờ gùng tàm tơrbŏ tơn gùng rơndeh lòt mhar mờ tiah tờm tiah drà Buôn Ma Thuột.
Rơndap broă lơh geh kờp jơh priă bơcri 1 rbô 730 tơmàn đong, tàm hơ̆ kes priă Dà lơgar dong kờl 60%, kes priă càr tă ai 40%. Gơl gùng jòng rlau 5 kơi sồ. Kờp dŭ rơndap broă lơh rơp sơn đờm lơh tàm quý 3 nam 2027. Tŭ lơh gơs, gơl gùng rơp pơgồp bơnah tàm tơrbŏ bal gùng rơndeh lòt mhar Khánh Hòa - Buôn Ma Thuột mờ ală gơl gùng lòt tiah drà, lơh gơlik bơta ƀuơn ai broă lòt rê, jun pơndiang phan bơna càr Dăk Lăk dê in.
Viết bình luận