Geh 8 jơnau rơcang cih adat neh geh tơrgùm cribơyai, tă pơgồp jơnau đơs, geh: Adat tàm pơrlòng giă (tam gơl); Adat tàm pơrlòng giă jơtài (tam gơl); Adat Hìu ơm (tam gơl); Adat bơtàu tơnguh mpồl lơh sa kă bro dềt mờ dimơ; Adat tam gơl, bơtơl bàr pe bơta bơh Adat Kă bro phan, Adat tàm pơrlòng, Adat atbồ kă bro phan mờ lơgar ndai, Adat Sền gàr gơnoar kuơ cau ngui sa; Adat blơi wơl, ngui wơl jơtài; Adat tam gơl, bơtơl bàr pe bơta bơh Adat lơngăp lơngai, kloh niam lơh broă dê mờ jơnau rơcang cih Adat tam gơl, bơtơl bàr pe bơta bơh ală adat bè tàp pràn să jan, lòt nhơl, hìu prap mờ sền sră, lơma, phan lời wơl niam chài, yal tơnggit, sră ƀău.

Pal sền ngac là bè jơnau rơcang cih tam gơl, bơtơl bàr pe bơta bơh Adat lơngăp lơngai, kloh niam lơh broă, kòp broă lơh pal geh pơgồp bal mờ gùng dà dong kờl dipal. Jat hơ̆, kờñ pal kơlôi sơnơng jơnau cih loh bơta dong kờl khà tă priă bơh mpồl cau  lơh broă ờ geh sră pơrgon lơh broă gơ wèt hìu bơnhă rƀah, ndrờm bè cau rƀah halà ơm kis tàm tiah jơi bơtiàn dồ êt nă cau.